Zein izango da Sanchezek iragarritako neurrien eragina Euskadin?
Espainiako Gobernuaren presidenteak etxebizitzaren merkatuan jarduteko 12 neurri biltzen dituen plan bat aurkeztu du. Hiru dira helburuak: etxebizitza gehiago, laguntza gehiago eta erregulazio hobea.
Neurrien artean, nabarmentzekoa da etxebizitza erreferentzia-indizea errespetatuta alokatzen duten jabeek % 100eko zerga-salbuespena izango dutela. Era berean, arrazoizko alokairu horretan parte hartzen dutenak babesteko berme publikoen sistema bat sortzea proposatu dute. Gainera, erreforma fiskal bat proposatuko dute, etxebizitza turistikoen jabeek zergak negozio gisa ordain ditzaten. Erkidegotik kanpoko atzerritar ez-egoiliarrek etxebizitza erostea mugatuko da, hau da, karga fiskala higiezinaren balioaren % 100eraino handituko da.
Hala ere, Euskadik bere sistema propioa du, eta, beraz, Espainiako Gobernuak iragarri duen guztiak ez du translazio zuzenik izango hemen, baina badago aplika daitekeen neurriren bat.
Iragarritako neurri gehienak dagoeneko aplikatzen ari dira EAEn, baina berritasun nagusia izango litzateke etxebizitza erostea mugatzea Europar Batasunetik kanpoko atzerritarrei, Euskadin ez baitago horrelako mugarik. Jabeentzako PFEZren salbuespenari dagokionez, ezin izango litzateke aplikatu, horretarako foru-ogasunen araudia aldatu beharko litzatekeelako. Oraingoz, hiru aldundien zerga-erreforma da jabeek %30eko hobaria jasotzea lortutako etekinen gainean, eta %50era artekoa tentsioan dauden eremuetan. Nolanahi ere, Etxebizitza sailburuak esan du Sanchezen proposamena eta Euskadiren eredua lerrokatuta daudela.
Zure interesekoa izan daiteke
Lekeitioko arrantzale bat hil da Senegalgo uretan
Bermeoko ATUNSA enpresako langilea zen. LAB sindikatuaren esanetan, "heriotza ez traumatiko" gisa sailkatu dute, eta enpresa horretan aurten izan den bigarren heriotza ez traumatikoa izan dela salatu du.
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.