Langabeziak gora egin du urtarrilean Hego Euskal Herrian, abenduan baino 2.302 langabe gehiago zenbatuta
Hego Euskal Herriko enplegu bulegoek 2.302 pertsona gehiago zenbatu dituzte urtarrilean lan barik, betiere iazko abenduarekin alderatuta, Espainiako Lan Ministerioak eta Lanbide Euskal Enplegu Zerbitzuak emandako datuen arabera.
Iazko urtarrilarekin alderatuta, ordea, bestelakoa da irakurketa, langabeziak % 1,68 behera egin baitu EAEn. Nafarroan, aldiz, gora egin du, oso gutxi izan arren (% 0,04).
Lurraldeka, Gipuzkoan izan da hazkunderik handiena (543 langabe gehiago, % 1,91 gora), eta ondotik datoz Bizkaia (1.148 pertsona, % 1,89) eta Araba (290 pertsona, %1,58 ). Nafarroak izan du igoerarik txikiena, % 1,06koa: horrenbestez, 321 pertsona gehiago daude lan gabe.
2024ko urtarrileko datuak eskuan, jaitsierak dira nagusi, eta horietan Gipuzkoa da denen buru: han jaitsi da gehien langabezia (% 1,98 behera, 586 langabe gutxiago), eta errenkadan ageri dira gainerako lurraldeak: Bizkaia (% 1,59, 997 pertsona) eta Araba (% 1,51, 285 pertsona). Foru Erkidegoa izan da langabezia datuak hobetu ez dituen bakarra, % 0,04ko igoera erregistratu eta 13 langabe gehiago zenbatu dituelako.
Datuon balorazioan, Eusko Jaurlaritzak gogorarazi du "ohikoa" dela urtarrilean langabeziak gora egitea, batez ere Zerbitzu sektorean, Gabonetako kanpaina amaitzen baita. Hala, horren iritzian, garrantzitsuena "urte arteko tasan dagoen joera positiboa" da.
Langabeziak gora, emakumeen eta gazteen artean
Nabarmentzekoa da iazko abenduan baino emakume gehiago daudela langabezian (% 2,89 hazi da, gizonezkoen tasaren igoera % 0,46koa izan den bitartean), baina era berean, 2024ko urtarrileko datuei erreparatuta, bilakaera hobea izan du arlo horrek: % 1,79 jaitsi da; gizonezkoena, % 1,54. Halaber, aipagarria da gazteen langabeziak izan duen igoera, baina abenduarekin alderatuta (% 5,51eko igoera) zein iazko urtarrilarekin alderatuta (% 1,91 gora).
Sektoreka, eta aurreko hilabetearekin erkatuta, sektore guztietan behera egin du langabeziak (aipagarria da eraikuntzaren eboluzio ona), Zerbitzuetan izan ezik. Gabon osteko kanpainaren ostean, 2.189 enplegu galdu dira.
Kontratazioari dagokionez, igo egin da bi alderaketan: % 4,96, abenduarekiko, eta % 1,01, 2024ko urtarrilarekiko.
Hilabete arteko afiliazioan galerak; igoerak, urte artekoan
Gizarte Segurantzan afiliatuta dauden langileei dagokienez, galerekin abiatu dute urtea EAEk eta Nafarroak. Izan ere, 13.133 kotizatzaile gutxiago erregistratu dituzte urtarrilean, abenduarekin alderatuta. Guztira, 1,3 milioi lagun daude afiliatuta. Bi erkidegoetan % 1 inguruko jaitsierak izan dira.
Dena dela, 2024ko urtarrileko datuei erreparatuta, hobera egin dute afiliazio datuek: EAEn % 2,59 hazi da, eta Nafarroan, % 1,45.
Espainiako Estatuan ere gora egin du langabeziak (38.725 pertsona gehiago behar barik), baina langabe kopurua 2,6 milioiren azpitik dago, eta azken 17 urteotako urtarrileko erregistrorik baxuena da.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.