Lurraldebusek eta Euskotrenek inoizko bidaia kopuru handiena zenbatu dute 2024an
Lurraldebus Gipuzkoako lurralde osoa bere eta EAEko hiru hiriburuekin lotzen duen Gipuzkoako Foru Aldundiaren herriarteko autobus zerbitzuak inoizko urterik onena itxi du, 28,8 milioi bidaiarekin. Zehazki, 2024an aurreko urtean baino 2,3 milioi bidaiari gehiago garraiatu zituen, % 8,7 gehiago.
Hazkundea, gainera, eskualde guztietan gertatu da.
Igoera handiena Goierrin gertatu da (% 15,4), Buruntzaldearen (% 12,5), Tolosaldearen (% 8,4), Oarsoaldea-Bidasoaren (% 8,1), Debagoienaren (% 7,1), Urola Erdiaren (% 6,5) eta Urola Kosta-Debabarrenaren (% 5,3) aurretik.
Bidaia kopuruari dagokionez, Oarsoaldean eta Bidasoan zerbitzua ematen duen Ekialdebus enpresak erregistratu ditu bidaia gehien, 10 milioi baino gehiago. Horren atzetik ageri dira TBH (Buruntzaldea eta Tolosa), 6,6 milioi bidaiarekin, eta Avanza (Debagoiena), 5,5 milioi bidaiarekin.
Donostia-Gasteiz lineak milioi erdi bidaia zenbatu ditu (492.669 bidaia), eta Donostia eta Bilboko aireportuaren arteko lineak % 33,5eko hazkundea izan du, pasa den martxoan Mugi deskontu sistemara batu ondoren.
Azahara Dominguez Gipuzkoako Mugikortasun diputatuaren arabera, garraio publikoko deskontuak luzatu izanak eta zerbitzuak indartzeak eta handitzeak eragin du igoera.
Bestalde, Urola Garaia eta Goierri Donostiarekin lotuko dituen linea bat martxan jarriko duela iragarri du Lurraldebusek.
Euskotrenek inoizko bidaia kopuru handiena zenbatu du 2024an
Amaitu berri den urtean, Euskotrenek orain arteko marka guztiak hautsi ditu, ia 54 milioi bidaia zenbatu baititu.
Susana Garcia Chueca Mugikortasun Jasangarriaren sailburuak gaur goizean emandako datuen arabera, iaz guztira 53.995.283 bidaia zenbatu zituzten Euskotrenek zerbitzua ematen duten tren, metro eta autobus lineatan.
Azken urtebetean, bidaia kopurua % 12,67 hazi da, eta Mugikortasun Jasangarriaren sailburuaren arabera, garraio publikoko deskontuak luzatu eta eskaintza handitzea izan dira gorakada horren arrazoi nagusiak.
Euskotren taldearen barruan, Gasteizko tranbiak izan du gorakadarik handiena. Guztira, ia 11 milioi bidaia zenbatu dituzte eta tranbia Salburuara zabaldu izana da hazkunde horren arrazoietako bat.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.