Jauregiren ustez, EAEk "ahalmen industrial eta teknologikoa" eman ahal dio Europa berrarmatzeko planari
Mikel Jauregi Eusko Jaurlaritzako Industria, Trantsizio Energetiko eta Jasangarritasuneko sailburuak gaur goizean azaldu duenez, Euskadik bere "ahalmen industrial eta teknologikoa" jarri dezake Europa berrarmatzeko plana garatzen laguntzeko, bereziki, zibersegurtasunaren arloan.
Euskadi Irratian egin dioten elkarrizketan nabarmendu duenez, Euskadik defentsa arloan bere "ahalmen industrial eta teknologikoa" eman diezaioke Europar Batasunari, baina onartu du defentsa-industriari buruz hitz egitean gauzak "nahastu" egiten direla.
Sailburuak gogora ekarri duenez, gaur egun gerrak "geroz eta digitalagoak" dira eta zibersegurtasunaren alorrean lan ona egiten ari diren puntako enpresak daude Euskadin. "Zergatik ez dugu hortik hazten jarraituko?", gaineratu du.
Halaber, defentsan erabiltzen den teknologia ia denak (% 95) "erabilera bikoitza" duela azpimarratu du, eta gogorarazu du aspalditik dagoela sartuta EAEko industria armagintzan.
Bestalde, asteazkenetik aurrera Ameriketako Estatu Batuek % 25eko muga-zerga ezarriko diote Europar Batasuneko altzairuari eta aluminioari. Horri buruz galdetuta, altzairuak eta aluminioak Euskadiren esportazio guztien % 1,5 direla adierazi du Industria sailburuak, baina ohartarazi du muga-zergek paradigma aldaketa arriskutsua dakartela.
Azkenik, autogintzari lotuta, Jauregi sailburuak txalotu egin du Europako Batzordeak deskarbonizazio helburuetara iristeko ezarritako bide-orria malgutu izana.
Zure interesekoa izan daiteke
Babestutako alokairuko etxebizitza eskuratzeko gehienezko diru-sarrera 46.463 euroraino igoko da
Eusko Jaurlaritzak etxebizitzaren arloko "ezkutu soziala" onartuko du bihar, Premiazko Neurriei buruzko Dekretuarekin. Besteak beste, jabeek jasoko duten kanona 700 eurokoa izango da, eta gune tentsionatuetan handiagoa izango da.
LABek neurriak eskatuko ditu etxebizitza, zerbitzu publiko, pentsio eta soldata arloetan "bizimodu duina" bermatzeko
26 manifestazio deitu ditu Maiatzaren Lehenerako, eta Pradales "Urkulluren kopia antisozialagoa eta autoritarioagoa" bihurtu dela salatu du.
Talgok 756 milioi euroko kontratua sinatu du, Suedian tren flota bat ekoizteko
Kontratu honekin, Talgoren eskaera zorroak 6.500 milioi eurora iritsi da, inoizko gehien.
Gaurdanik, Donostiako Ospitaleko eta Txagorritxuko medikuek ez dute aparteko ordurik egingo arratsaldeko txandan
Bestalde, Zumarragako Ospitaleak apirilaren 27tik aurrera egingo du bat protestarekin; eta Bizkaiko ospitaleek, maiatzetik hasita. Indarrean duten grebak "furiturik eman ez duela" ikusita erabaki dute neurri hori hartzea.
Petrolioa % 5 baino gehiago igo da, 95 dolarreraino, eta Europako burtsetan beherakada izatea aurreikusi da
Estatu Batuen eta Iranen arteko gatazka gaiztotu egin da berriro astelehen honetako lehen orduetan eta eragina izan du horrek petrolioaren prezioan. Ormuzko itsasartean tentsioa areagotu da, AEBk Omango golkoan tona askoko Irango zamaontzi bat jo baitu. Washingtonek Irango portuen gainean ezarritako blokeoa gainditu nahian zihoan ontzia.
Zumarragako Ospitaleko medikuek ez dute arratsaldetan aparteko ordurik egingo apirilaren 27tik aurrera
"Presio-neurri" berri bat da, Medicos Unidos por sus Derechos (MUD) erakundeak sustatua, eta medikuek hilero egiten duten grebari gehitzen zaio, esparru-estatutu bat lortzeko eta, aldi berean, autonomia-erkidegoek jada ezar ditzaketen hobekuntzak egiteko helburuarekin.
Inbertsioak eskatu dituzte Bilbon eta Gasteizen, osasun publikoa desegin ez dadin
Osasun publikoaren aldeko 68 erakundek manifestazioak egin dituzte Bilbon eta Gasteizen, EH Bildu, Podemos eta Sumar alderdien eta hainbat sindikaturen babesarekin. Protesta horietan, Alberto Martinez Osasun sailburuaren dimisioa ere eskatu dute.
ELA, LAB eta ESK sindikatuek Tubos Reunidosen enplegu-erregulazioko espedientea inpugnatuko dute
Beste ostiral batean, Tubos Reunidoseko langileek manifestazioa egin dute Amurrion, eta enpresa-batzordeko kideek azaldu dute etsituta hartu dutela Lan Ikuskaritzaren ebazpena. Hiru sindikatuk, ELAk, LABek eta ESK-k, dagoeneko iragarri dute enplegu-erregulazioko espedientea inpugnatuko dutela datorren astean.
Euskadiko BPGk urteko % 2,2ko hazkundea izan du lehen hiruhilekoan, eta % 0,5 igo da aurrekoaren aldean
Euskal ekonomiak hazkunde-erritmoari eutsi dio 2026an, eraikuntzak eta zerbitzuek bultzatuta.
Eusko Jaurlaritzak "nolabaiteko erosotasuna" ikusten du osasun arloko negoziazioan, eta asistentzian izan dezakeen ondorioen beldur da
Alberto Martínez Osasun sailburuak egoerak paziente eta herritarrentzat sortzen dituen zailtasunez ohartarazi du, eta erantzukizun handiagoa eskatu die inplikatutako aldeei. Onartu du ez duela informaziorik eta ez dela parte hartzen abian dagoen negoziazioan, eta, ohartarazi duenez, egoera hori ziurgabetasuna eta zailtasunak sortzen ari da pazienteentzat eta asistentzia-sistemarentzat. Martinezek kezka hori helarazi du Lurralde arteko Kontseiluan, eta inplikatutako alderdien erantzukizuna eskatu du.