Langile bat hil da Buñuelen, animaliak elikatzeko enpresa batean izandako istripuan
34 urteko langile bat hil da Buñuelgo (Nafarroa) animalia-elikadurako enpresa batean izandako lan-istripuan, Foruzaingoak jakitera eman duenez.
Antza denez, istripua gaueko hamaikak aldera gertatu da, langilea harrapatuta geratu delarik. Polizia-iturriek adierazi dutenez, langilea bertan hil da.
Ezbeharra Buñuelgo "Mina" inguruan dagoen lehortegi batean gertatu da: bertan langilea makina batean harrapatuta geratu da. Iritsi direnean, larrialdi-zerbitzuek ezin izan dute ezer egin, eta gizona bertan hil da.
Gizonezkoaren gorpua Nafarroako Auzitegi Medikuntzako Institutura eramango dute, autopsia egin diezaioten. Tuterako Foruzaingoaren komisariako Polizia Judizialaren taldeko kideak istripuaren eginbideak bideratzen ari dira.
UGT, CCOO, LAB, ESK, STEILAS, EHNE eta HIRU sindikatuek elkarretaratzea deitu dute ostegunerako Tuteran.
UGTk "premiazkotzat" jo du "Nafarroako lan-ezbeharren kopuru kezkagarriei amaiera emango dieten neurriak hartzea"; izan ere, iaz Foru Erkidegoa Espainiako Estatuko bigarrena izan zen ezbeharren kopuruan, eta hildako langile tasa handienarekin itxi zuen 2024.
Bestalde, gertatutakoaren "ikerketa zorrotza" eskatu du CCOOk, eta "alde guztien konpromisoa" eskatu du "Nafarroakoa bezalako lan ingurune eta produkzio sare garatu batekin bateraezina den errealitate hori geldiarazteko".
Bestalde, LABek salatu du Buñuelgo istripuan ez dela bete inplikatutako makinaren araudia, eta enpresek urraketak "behin eta berriz errepikatzen" dituztela erantsi du sindikatu abertzaleak. Kritikatu duenez, gobernuek ez dute kontrol tresnarik jartzen, "enpresen inpunitatea bermatzeko".
Zure interesekoa izan daiteke
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".