2026ko lan-egutegiak 12 jaiegun, lau zubi eta hiru asteburu luze izango ditu
Eusko Jaurlaritzak 2026rako lan-egutegia onartu du astearte honetan, 12 jaiegun zehaztuta. 2025eko jaiegun kopuru-bera izango da datorren urtean, 12 jaiegun, hain justu. Azaroaren 1a eta abenduaren 6a igandeak direnez, martxoaren 19ko eta uztailaren 25eko jai tradizionalek ordezkatuko dituzte eta, beraz, 2026an jaiegunak izango dira.
Urteari hiru zubirekin ekingo zaio, urtarrilaren 1a osteguna baita eta, hilaren 6a, Errege Eguna, asteartea. 2026an martxoaren 19a jaieguna da, osteguna, beraz, zubia izango da, eta abenduaren 8ra arte ez da zubi egiteko aukera gehiagorik izango. Andre Maria Sortzez Garbiaren eguna asteartea izango da datorren urtean.
Dena dela, izango dira asteburua luzatzeko moduak, maiatzaren lehenengoa (Langilearen eguna) ostirala baita, eta urriak 12, astelehena. Gabonetan, aurten, abenduaren 25a ostirala da, beraz, asteburu luzeaz gozatzeko parada izango da.
Aste Santua, berriz, garaiz helduko da datorren urtean, apirilaren 2tik 6ra.
2026ko lan-egutegia, EAEn
- Urtarrilak 1 (Urteberri eguna)
- Urtarrilak 6 (Errege eguna)
- Martxoak 19 (San Jose eguna)
- Apirilak 2 (Ostegun Santua)
- Apirilak 3 (Ostiral Santua)
- Apirilak 6 (Pazko astelehena)
- Maiatzak 1 (Langileen eguna)
- Uztailak 25 (Santiago eguna)
- Abuztuak 15 (Andre Mariaren Jasokunde eguna)
- Urriak 12 (Pilarreko Andre Mariaren eguna)
- Abenduak 8 (Andre Maria Sortzez Garbiaren eguna)
- Abenduak 25 (Eguberri eguna)
Egun horiei bi jaiegun gehitu behar zaizkie, udalek eta foru aldundiek ezarri beharrekoak, eta horiek zehazteko izapideak hasiko dira orain. Ezusterik ezean, honakoak izango dira:
Bizkaian eta Gipuzkoan: Uztailak 31 (San Inazio). Ostirala da.
Araban: Apirilak 28 (San Prudentzio). Asteartea.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.