Trumpek bete egin du mehatxua, eta bikoiztu egin ditu Txinako produktuen gaineko muga-zergak, % 104ra arte
Donald Trump AEBko presidenteak bete egin mehatxua, eta Txinako produktuen gainean ezarritako muga-zergak bikoiztu ditu, % 104ra arte, Etxe Zuriak Fox Business kateari gaur baieztatu dionez. Beijingi ezarritako zerga berriak gauerdian sartuko dira indarrean.
Buruzagi errepublikanoak aste honetan esan duenez, Txinak eguerdirako % 34ko muga-zerga kendu ezean, astearte gauerditik aurrera % 50eko beste zerga bat ezarriko zuen.
Denbora hori agortu baino lehen, Txinak muga-zergen akordioa "etsi-etsian" nahi zuela esan du Trumpek, eta negoziatzen "nola hasi" ez zekitela erantsi. Etxe Zuria Xi Jinping Txinako presidentearen deiaren zain zegoela erantsi du.
Karoline Leavitt Etxe Zuriko bozeramailearen ustez, Txina "erratu" egin da AEBko muga-zergei erantzunda, Beijingek Washingtonekin akordioa "nahi" eta "lortu behar" duela esan ere.
"Estatu Batuek ukabilkada bat jaso eta indar handiagoz itzultzen dute kolpea. Horregatik, gauerdian sartuko dira indarrean % 104ko muga-zergak. Hala ere, presidenteak uste du Xik eta Txinak akordio batera iritsi nahi dutela. Baina ez dakite nola hasi", laburbildu du.
Nolanahi ere, Leavittek adierazi du Trump "eskuzabala" izateko prest dagoela Txinak negoziatzera esertzea erabakitzen badu, "hori izango litzatekeelako onena amerikarrentzat".
Gaur bertan, Txinako agintariek "irmo gaitzetsi" dute Ameriketako Estatu Batuak "xantaiaka ibiltzea".
Joan den ostiralean, Txinak Trumpen arantzelei aurre egiteko neurri-sorta bat martxan jarri zuen; izan ere, Txinako produktuei ezarritako zergak gutxienez % 54ra igo zituzten.
Era berean, Txinak salaketa aurkeztu zuen Munduko Merkataritza Erakundean, Ameriketako Estatu Batuen aurka, bere kide komertzial guztiei "elkarrekiko muga-zergak" ezartzeagatik.
Albiste gehiago ekonomia
Auzitegiak artxibatu egin ditu 17 medikuren aurkako salaketak, Osakidetzako Lan Eskaintza Publikoko filtrazioengatik
Arabako Auzitegiak artxibatu egin ditu Osasun Zerbitzuaren 2016-2017ko Lan Eskaintza Publikoan ustez egindako filtrazioengatik ikertutako 17 medikuren aurkako salaketak, eta ikertutako 19 lagunetatik 2ren aurka irekita uztea erabaki du.
Jaurlaritza langabezia subsidioen transferentzia bereganatzen saiatuko da asteazken honetan Espainiako Gobernuarekin
Kontribuzio-prestazioen eta langabezia-subsidioaren arloko eskumenak eskualdatzeko akordioa posible izan dadin "nahikoa denbora" eduki izana espero du Autogobernuko sailburuak.
Eusko Jaurlaritzak 2026ko urtarriletik aurrera berrekingo dio telelanari
Langile publikoek astean bi egunetan jardun ahal izango dute lan-modalitate horretan. Gainera, telelanaren bitartez lan egin dezaketen langile guztiei ere aukera hori ematen die dekretuak, betiere zerbitzu publikoa behar bezala ematen dela bermatzen bada.
Euskadik % 40 handitu du bere egungo potentzia elektrikoa, eta 16.000 megawatteko edukiera gaindituko du
Hala, "70.000 langilerentzako lana bermatzen da", eta bultzada esanguratsua dakar enpleguarentzat eta egonkortasun ekonomikoarentzat. Eusko Jaurlaritzak 6.000 megawatteko edukiera gehigarria nahi zuen, 18.000 MWetara iristeko.
Zenbateko potentzia elektrikoa behar du Euskadik?
Industria, Trantsizio Energetiko eta Jasangarritasun Sailak 6.000 MW gehiago eskatu ditu bere sarean, helburu industrialak eta deskarbonizazioa betetzeko.
Eusko Jaurlaritzak eta banku-erakundeek gazteentzako lehen etxebizitza eskuratzeko abalen programa jarri dute abian
Kutxabankekin, Laboral Kutxarekin eta Abancarekin ekin zaio programari, oraingoz lankidetza-hitzarmena sinatu dutenekin; baina, zabalik da erakunde gehiagok bat egin ahal izango dutela aurreikusten da. Finantzatu beharreko etxebizitzen erosketa-prezioa ezin izango da 340.000 eurotik gorakoa izan.
Albiste izango dira: Ustelkeriaren aurkako txostena Nafarroan, sare elektrikoari buruzko bilera Madrilen eta Venezuelako ontzi bati erasoa
Gaurkoan Orain-en albiste izango direnen laburpena, bi hitzetan.
Euskal gehiengo sindikalak pentsiodunen mobilizazioarekin bat egin du Herri Ekimen Legegilea izapidetzea eskatzeko
ELA, LAB, ESK, Steilas, Hiru eta Etxalde ere mobilizatuko dira irailaren 20an EAJri eta PSE-EEri beren jarrera "zuzentzeko" eta gutxieneko pentsioa gutxieneko soldatarekin parekatzeko ekimena izapidetzea eskatzeko.
Euskadiko inbertsio elektrikoa aztertzeko bilera izan du Jauregik Espainiako Energia idazkariarekin
Joan Groizard Energiaren Estatu idazkariarekin batzartu da Jauregi, 2025-2030 aldirako elektrizitatea garraiatzeko sarea planifikatzeko proposamenaren barruan sare elektrikoetan egingo den inbertsioari buruz eta horrek Euskadin izango duen eraginaz mintzatzeko.
Abian da siderurgiako mahai sektoriala, muga-zergen eraginaren diagnosi partekatua egin eta laguntza-bideak aztertzea xede dituela
Mahaiaren lehen bileran, Mikel Jauregi sailburuak sektore siderurgikoarekiko erakundeen konpromisoa nabarmendu du. Azaldu duenez, sektore horrek nazioarteko merkataritzarekiko esposizio handia du, eta funtsezkoa da Euskadiko egitura esportatzailean, eta Trumpek ezarritako % 50eko muga-zergek sektorearen lehiakortasuna kolokan jarri dute.