Asiako burtsek igoera nabarmena izan dute, Europakoek gora egin dute eta Wall Streetek gorrian itxi du saioa
Europan, Milango burtsak % 4,73 egin du gora ostegun honetan, Frankfurtek % 4,53, Parisek % 3,83, Zurichek % 3,28 eta Londresek % 3,04, Donald Trumpek muga-zerga gehienak 90 egunez bertan behera utziko zituela iragarri ostean merkatuetan izandako igoera handien artean, nahiz eta Txinaren eta AEBren arteko talkak, kaus askotan, moteldu egin duen goranzko dinamika hori.
Era berean, Espainiako burtsaren indize nagusiak, IBEX 35ek, % 4,32 egin du gora gaur, eta 12.300 puntuak berreskuratu ditu. Espainiako selektiboak inoizko igoerarik handienarekin (% 8,51) ireki du saioa, eta 510 puntu igo ditu. Azkenean, 12.307,6 puntutan itxi du, 2022ko martxotik izan duen saiorik onenean.
Asia, gogotsu
Asiako burtsa nagusiek igoera nabarmenekin abiatu dute eguna, eta itxi ere, berdean itxi dute. Aipagarriak dira Tokioko zein Taipeiko merkatuek % 9ko igoerarekin zarratu dutela saioa.
Nikkei indizeak % 9,13 egin du gora —inoiz izan duen zazpigarren igoera handiena— eta 34 609,00 puntutan amaitu du saioa. Japoniako Topix indizea ere %8,09 hazi da.
Txinako merkatuek igoera apalagoak izan dituzte. Hong Kongo Hang Seng burtsak % 1,06ko hazkundea izan du, eta Txina kontinentalean, Shanghaik % 1,16 egin du gora, eta Shenzhenek, % 2,25.
Wall Streetek gorrian itxi du berriro
Wall Streetek, aldiz, behera egin du berriro, eta bezperako irabazien zati bat galdu du, AEBk abiatutako gerra komertzialaren beldurrak bultzatuta, Txinari ezarritako zerga % 145ra igo dela jakin ostean.
Saioaren amaieran, Nasdaq teknologikoak % 4,3 egin du behera, 16.387 puntura arte; S&P 500ek % 3,46 egin du behera, 5.268 punturaino, eta Dow Jonesek % 2,50, 39.593 puntura arte.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.