Bizkaiko metalgintza ari da dagoeneko Trumpen muga-zergen gerrak utzitako ondorioak pairatzen, FVEMren arabera
Adolfo Rey Metalgintzako Enpresen Bizkaiko Federazioaren (FVEM, gaztelerazko sigletan) zuzendariak ziurtzat jo du Donald Trumpek abiatutako muga-zergen gerraren ondorioz, enpresak inbertsioak "geldiarazten edo atzeratzen" ari direla. Ez du, ordea, eragin hori kuantifikatu nahi izan.
Europa Press albistea agentziari egindako adierazpenetan Reyk azaldu duenez, ezarritako 90 eguneko etena gorabehera, "azkenean data oso zehatza da, eta nik enpresa bat banu, edozein erabaki hartu baino lehen nik itxaron egingo nuke, badaezpada, zer gerta ere".
FVEMren zuzendariaren hitzetan, egungo egoera "ziurgabetasun" erabatekoarena da. Nabarmendu duenez, "erabakiak egun batetik bestera aldatzen dira, eta horrek dakarren ondorio nagusia da jendea geldi egotea, erabakirik ez hartzea. Normala da hori". Behin 90 eguneko etena igarota zer gerta daitekeen galdetuta, Rey zuhur agertu da: "Komeni da aieruka ez ibiltzea, (Trumpek) egun batetik bestera aldatzen du iritzia eta".
Reyesen ustez, Donald Trumpek "duela 80 urte indarrean dagoen ordena irauli du, eta ikusi beharko berrezartzen ote den, baina argi dago ez dela gauza bera izango. Horren arabera, ikusiko dugu nolakoa den eragina".
Nabarmendu duenez, muga-zergek ez diote AEBko merkatuari bakarrik eragiten —laugarren bezeroa da Bizkaiko enpresentzat—, merkatuak "elkarren artean lotuta daudenez", denei eragiten die. "Modu batera edo bestera eragingo digu", ohartarazi du.
Adolfo Reyk begi onez ikusi ditu Eusko Jaurlaritza eta Europako Batzordea egoerari erantzuteko hartzen ari diren neurriak, eta Trumpen jokamoldearen aurka, "gogoeta, adostasuna eta lasaitasuna" galdegin ditu.
850 enpresa daude Metalgintzako Enpresen Bizkaiko Federazioaren baitan, eta AEB laugarren merkatua da eurentzat.
Zure interesekoa izan daiteke
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuaren eta UAGA Arabako nekazarien elkartearen ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.