Guillermo Buces izango da Cebeken presidente berria
Zuzendaritza berritu eta presidente berria aukeratu du gaur Bizkaiko Enpresarien Konfederazioak (Cebek), eta ehun urtean lehen hauteskundeak izan ditu, bi hautagaitza aurkeztu baitira, Nuria Lekuerena eta Guillermo Bucesena.
Aurreneko bozketan, Buces aukeratu dute Carolina Perez Toledoren lekukoa hartu eta datozen lau urteotan patronala zuzendu dezan. Lekuek ez du prozesuaren lehendabiziko galbahea pasatu, eta, beraz, ez da bi aldiz bozkatu behar izan. Enpresa eta Ekonomia Zientzietan lizentziatua, Biolid Industrias Graficaseko CEOa eta Bizkaiko Arte Grafikoen Elkartearen presidentea.
Hautatu berritan egindako lehen hitzaldian, aurreko buruari egindako lana eskertu ondoren, aurreratu du haren bidea jarraituko duela. Erronken artean, talentua erakartzea eta absentismoari aurre egitea aipatu ditu, eta "sindikatu guztiekin elkarrizketa" sustatzearen alde agertu da, "marra gorririk gabe". Enpresen eta sindikatuen arteko harremana "zaharkituta" dagoela irizten dio, eta hori "aldatzen" ahaleginduko da.
Joan den otsailean jakinarazi zuen Perez Toledok ez zuela karguan jarraitzeko hautagaitzarik aukeztuko. Enpresaburu bilbotarrak 2021ean hartu zuen patronalaren presidentetza, aurrez lau urtez presidenteorde kaguan egon eta gero.
Aurreikuspenen arabera, eguerdian zen jakinaraztekoa hauteskundeen emaitza, baina arazo teknikoen ondorioz, bozketa atzeratu egin da eta eskuz bozkatu dute. Azkenean, arratsaldeko lehen orduan ezagutu da hautatuaren izena.
Beste hautagia Nuria Lekue zen. Ez du lortu Zuzendaritza Batzordean sartzea —32 kideetatik 22 aurrez erabakita zeuden—, eta beraz, presidente kargurako bozketatik kanpo geratu da. Galindo zerbitzugunearen zuzendari nagusia eta Bizkaiko Zerbitzuguneen Elkartearen presidentea da.
Zure interesekoa izan daiteke
Gipuzkoan, hiru kontrataziotik bi goi-mailako ikasketak dituzten pertsonentzat izango dira
Unibertsitatera joan direnek edo graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostu hutsak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.