Abian dira Bilbo eta New York arteko zuzeneko hegaldiak
Bilbo eta New York arteko zuzeneko aire-konexioa estreinatu da ekainaren 1ean Loiun, United Airlines konpainiaren eskutik. Euskal erakundeek, eragile ekonomikoek eta Espainiako Gobernuak EAEn duen ordezkariak Euskadirentzat mugarritzat jo dute gaurko eguna. Izan ere, Iberiar penintsulako iparraldetik AEBra zuzenean hegazkinez joateko aukera izango da hemendik aurrera, lehenbiziko aldiz, eta aukera hori Bilboko Aireportuak emango du.
Juan Maria Aburto Bilboko alkateak adierazi duenez, ibilbide berri hau "internalizaziorako aukera bat" da Euskadirentzat, eta eskaintza errotzea eta udatik aurrera ere jarraitu ahal izatea espero duela esan du.
Newarkeko aireportutik zetorren lehen hegaldia 11:00ak baino lehentxeago iritsi da Loiura, eta 12:30ean abiatu da berriro bertatik AEBra. Bilbo eta New York artean zuzenean, eskalarik egin gabe, bidaiatu ahal izatea eskertu dute bidaiari guztiek. Boeing 757-200 batean egin dute 8 ordu eta 30 minutu iraun duen hegaldia.
Igande honetako estreinaldiaren ondoren, astean hiru joan-etorri programatuko dira Bilboko eta Newarkeko aireportuen artean, uda osoan zehar. Asteazkenetan, ostiraletan eta igandeetan izango dira irteerak, 12:30ean, eta astearteetan, ostegunetan eta larunbatetan Estatu Batuetatik itzulerak, 21:15ean.
Guztira, 100 bidaia programatu dira gaurtik irailaren 24ra arte, 17.600 plaza guztira. Hegazkinak 176 eserleku ditu: business klasean 16, Economy Plus klasean 42 eta klase ekonomikoan 118.
700 euro ingurukoa da joan-etorriaren prezioa, eta plaza libreak daude oraindik.
Besteak bestes, Ivan Grande Bilboko Aireportuko zuzendaria, Guido Araujo United Airlinesen Europako salmenta zuzendaria, Marisol Garmendia Espainiako Gobernuaren ordezkaria, Juan Maria Aburto Bilboko alkatea, Leire Saez Bizkaiko Foru Aldundiko Turismo zuzendaria eta Ainara Basurko Ekonomia Sustapeneko foru diputatua izan dira lotura berria estreinatzeko ekitaldian, eta opariak eta tarta ez dira falta izan. Bertan bildutakoek aho batez esan dute irailaren 24tik aurrera zerbitzuak jarraitzea espero dutela.
Albiste gehiago ekonomia
Etxebizitzen salerosketa % 29 igo zen ekainean Euskadin
2.314 eragiketarekin, igoerak interes-tasen jaitsieren ondoriozko finantzaketaren merkatzeak markatutako testuinguru batean gertatu dira.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".