Eusko Jaurlaritzak bilera batera deitu ditu Gasteizko lorezainak astelehenerako, greban 100 egun betetzen direnean
Martxoaren 26an hasi zuten greba mugagabeari eutsi diote. Ostiral honetan, manifestazioa deitu dute 18:30erako Artiumetik, hitzarmen propioa eta lan hobekuntzak aldarrikatzeko.
Lorezainen grebaren ondorioak Gasteizko Aranbizkarra parkean. Argazkia: EFE
Eusko Jaurlaritzako Lan Sailak Gasteizko lorategiak kudeatzen dituen Enviser enpresa eta sindikatuak deitu ditu lan-gatazkan bitartekari izateko.
Bilera astelehenean egingo da, 15:00etan, Eusko Jaurlaritzaren egoitzan, Lakuan. Bertan, gutxieneko zerbitzuak betetzean antzemandako arazoak aztertuko dira, baina, batez ere, alderdien arteko negoziazioa erraztea bilatuko da.
Helburua akordio bat lortzea izango da, batetik, langileen lan-baldintzak hobetzeko, eta, bestetik, dagoeneko 100. eguna bete duen greba bertan behera uzteko, zerbitzua normaltasunera itzul dadin.
Lan Sailak dei egin die aldeei, errealismotik eta erantzukizunetik bilerara joan daitezen, guztiontzako onuragarria izango den akordio bat lortzeko asmoz.
Bi aldeen arteko azken negoziazio bilera asteazken honetan izan da, Precon, baina ez da emaitzarik izan.
100 egun eman dituzte greban Gasteizko lorezainek (Enviser enpresak azpikontratatutako langileak), martxoaren 26an abiatu baitzuten greba mugagabea. Hori dela eta, manifestazioa egin dute, 18:30ean, Artium museotik hasita.
Arabako hiriburuan dagoeneko argi dago lorezainak greban daudela, ondorioak argiak baitira. Belarra eta landareak kontrolik gabe hazi dira parke, lorategi eta berdeguneetan, hala nola Gamarra eta Mendizorrotzako igerilekuetan, eta toki batzuetan belarrak metroko altuera harrapatu du.
Horren ondorioz, Eusko Jaurlaritzak "ezohiko" gutxieneko zerbitzuak ezarri zituen, Gasteizko Udalak eskatuta. Ekonomia, Lan eta Enplegu Sailak adierazi duenez, "gizartearentzako ezinbesteko zerbitzuak bermatzea" helburu.
Erabakia hartzeko, bi txosten tekniko hartu ziren kontuan: Trafiko Zerbitzuarena, hiriko hainbat puntutan seinaleak eta semaforoak ez direla ikusten ohartarazten duena, eta suhiltzaileen ikuskatzaile-buruarenak, udaberriko euriteen ondoren landaretza lehorra pilatzearen ondorioz "hiri-suteak izateko arriskuaz" ohartarazten duena.
Langileek uko egin diote gutxieneko zerbitzuak betetzeari, beren jarduera ez dela "funtsezkoa" iritzita, eta negoziazio kolektiboan aurrerapausoak izan arte greban jarraituko dutela iragarri dute.
Ekonomiari buruzko albiste gehiago
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.