UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.
Bilboko Udaleko Gobernu Taldeak 2025eko UEFA Europa Ligako finalaren inpaktuaren behin-behineko balantzea aurkeztu du. Joan den maiatzean egin zen, eta nabarmendu du itzulkin ekonomikoa egindako inbertsio publikoa (lau milioi euro) halako hamar izan dela. Kontxi Claverrek, Ekonomiaren Garapen, Merkataritza, Turismo eta Enplegu zinegotziak azaldu duenez, ekitaldiaren kari 400 kontratu sortu ziren.
Zabaldutako datuen arabera, aurreko astearekin alderatuta, maiatzaren 20an, 21ean eta 22an merkataritza-jarduera % 12 igo zen, eta % 25, finalaren egunean.
Udalak adierazi duenez, ostalaritza izan zen “onura gehien lortu zuen sektorea”, operazio-kopuruan %70eko gorakada izan baitzuen. Ametzola parkean eta finalerako beren-beregi bideratutako eremuetan %300era arte igo zen tasa. Basurtu, Alde Zaharra, Indautxu edo Bilbo Zaharra auzoetan ere eragina positiboa izan omen zen, eta, Claverren arabera, horrek erakusten du "onura ekonomikoa erdigunetik haratago doala eta horrelako ekitaldietatik kanpo geratu ohi diren auzoetara ere iristen dela".
Itzulkin ekonomikoaz gain, Udalak herritarren harrera ona azpimarratu du: bertakoen asebetetzearen berri izateko egindako inkesten arabera % 92koa izan zen datua, onerako, eta % 80k horrelako ekitaldiak antolatzen jarraitzearen alde egiten dute. Halaber, Euskadin ostatu hartu zuten pertsonen % 53k "gastronomiaz eta kultur eskaintzaz gozatzeko aprobetxatu zuten".
Gauzak horrela, oposizioak informazio falta kritikatu du. Bilboko Elkarrekin taldeak Claver zinegotziak agerraldia egin dezala eskatu du, 2025eko UEFA Europa Ligako finalak izan duen eraginari buruzko informazioa eman dezan. Haien iritziz, tamalgarria da ekitaldia egin eta ia bi hilabetera, "horri buruzko informazio gehiago” ez egotea. Xabier Jimenez Lopez zinegotziak eskatu du Udalak gardenago joka dezala.
EH Bilduk, bere aldetik, ohartarazi du hiriak baduela “muga bat”, eta beharrezkoa dela hiriak hartu nahi dituen “ekitaldien inguruko hausnarketa” egitea. Udal Gobernua ere kritikatu du, “bere analisia autokonplazentzian oinarritzen duelako, eta neurri horretako ekitaldien alde onak besterik saltzen ez dituelako, B aldea eta herritarrei ekar diezaiekeen kalteak egon badaudela albo batera utzita”. Ekitaldiaren egunetan ostatuen prezioak modu “erabat neurrigabean” igo izana salatu du.
Alderdi Popularreko zinegotziak, Angel Rodrigo Izquierdok, bestalde, "etsipen txikia" agertu du Udalak emandako datu faltagatik.
UEFA Europa Ligako finalaren inpaktu osoari buruzko behin betiko txostena udazkenean argitaratuko da.
Ekonomiari buruzko albiste gehiago
Palestinaren aldeko grebak eta lanuzteek "jarraipen zabala" izan dute, batik bat Hezkuntzan eta industrian
Sindikatuetako iturriek esandakoaren arabera, industrian "eragin handia" izan du, bereziki Gipuzkoan eta Bizkaian. Hezkuntzan, jarraipena % 60koa izan da sektore publikoan eta % 80koa Ikastolen sarean. Eusko Jaurlaritzaren arabera, sare publikoko irakasleen jarraipena % 42koa izan da.
110.000 pertsona baino gehiago irten dira kalera Bilbon, Iruñean, Donostian eta Gasteizen, Palestinaren alde
LAB, CCOO, UGT, Steilas, ESK, CGT/LK, Etxalde eta Hiru sindikatuek manifestazio bateratuak eta oso jendetsuak egin dituzte hiriburuetan eguerdian. ELAk, bere aldetik, egin ditu mobilizazioak eta elkarretaratzeak.
Milaka lagun kalera atera dira Hego Euskal Herrian, Gazako genozidioa salatzeko
Milaka pertsonak parte hartu dute Hego Euskal Herrian sindikatuek eta hainbat gizarte taldek Palestinako herriari babesa adierazteko eta Israelek Gazan egindako genozidioa salatzeko asteazken honetarako deitu dituzten lanuzteetan eta mobilizazioetan.
Irailean, urtearteko KPIa % 3,3raino igo da EAEn, eta % 2,8raino, Nafarroan
Espainiako Estatuan, urtebeteko inflazioa hiru hamarren hazi da, % 3raino.
Albiste izango dira: Palestinaren aldeko lanuzteak, Abalos, epailearen aurrean eta Euskal Herriko Pintxo Txapelketako finala
Gaurkoan Orain-en albiste izango direnen laburpena, bi hitzetan.
Palestinako genozidioa salatzeko lanuzteetan parte hartzeko deia egin dute sindikatuek
ELAk txanda bakoitzeko 4 orduko lanuzteak proposatu ditu. LAB, CCOO, UGT, Steilas, Esk, CGT, Etxalde eta Hiru sindikatuek deialdi bateratua egin dute eta 3 ordu proposatu dituzte. Hala ere, Hezkuntzan greba orokorra deitu da.
Bankuan akzioak dituzten Sabadellen bezeroen % 2,8k onartu dute BBVAren eskaintza
Akziodun horiek Sabadell bankuaren kapitalaren % 1,1 ordezkatzen dute. Kataluniako bankuak azaldu duenez, bezero diren akziodun txikiak kapitalaren % 30,8ren jabe dira.
Euskadik 20 mila milioi euro baino gehiago bilduko du estreinakoz
Finantzen Euskal Kontseiluak aspaldian jarritako helburu muga, beraz, gaindituko da, ekonomiaren ziurgabetasunak markaturiko garaia izanagatik ere. Iaz baino % 9,4 gehiago bilduko dute EAEko ogasunek.
Euskal gazteria ia 30 urterekin emantzipatzen da, Europako batez bestekoa baino 4 urte beranduago
Gazteen Euskal Behatokiak egindako azken ikerketaren arabera, emakumezkoak gizonezkoak baino ia urtebete lehenago emantzipatzen dira.
Palestinaren aldeko lanuzteerako ezarritako gutxieneko zerbitzuak
Lan Sailak sinatutako aginduan funtsezko sektoreetan mantendu beharreko funtsezko prestazioak ezartzen da, hala nola osasuna, garraioa, hezkuntza, gizarte-zerbitzuak, energia eta justizia.