Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Kontsumo handiko enpresek urte osoan egiten diote aurre ebasketek eta akats administratiboek eragiten dizkieten galera ekonomikoei, baina udak jarraitzen du izaten kasuen kontzentrazio handiena pilatzen duen bigarren urtaroa, kasu guztien % 26rekin, neguaren atzetik (% 35). Nielsenek Aecocen laguntzarekin eta Checkpoint Systemsen babesarekin egindako '2024ko Banaketa Komertzialeko Ebasketaren Barometroaren' Estatu mailako ikerketaren emaitzak dira.
Zehazki, gehien lapurtu diren produktuak elikagaiak eta edariak dira, udako lapurreten/galdutako produktuen % 43, eta talde horretan gehien ebatsitako produktuak ardoak eta likoreak, hestebeteak, kontserba ketuak eta olioak dira. Sektore horretan jarduten duten enpresa gehienek adierazi dute lapurreta-kopurua areagotu edo mantendu dela aurreko urtearekin alderatuta.
Udan erregistratutako lapurreten % 31 zaintza pertsonalerako, edertasunerako, farmaziarako eta parafarmaziarako produktuak dira. Aurpegiko kremak, ileko produktuak (xanpuak eta tindagaiak) eta bizar-orriak dira gehien ostutako produktuen rankingaren liderrak, aurreko urtearen aldean goranzko joera duen kategoria batean.
Brikolajeko eta etxeko gaietan, pilak eta bateriak dira ebasketa-foku nagusia, kategoria hori merkaturatzen duten enpresen % 83k adierazi dutenez. Gainera, gehienek bestelako gorabeherak sumatzen dituzte produktu-sorta horretan.
Produktu elektronikoei dagokienez, smartphoneak dira gehien lapurtu diren gailuak, eta horien atzetik daude entzungailuak eta bideojokoak.
Ehungintzaren sektorea udako galeren % 5 izan arren, nabamentzeko moduko ezaugarriak ditu. Oinetakoak eta arropa —bereziki kamisetak, prakak, alkandorak eta jantziak—, kirol-jantziekin batera, produktu lapurgarrienak. Kasu guztietan, enpresek adierazi dute babes-neurriak indartu egin behar direla arrisku handieneko hilabeteetan.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).