Etxebizitzaren prezioak goia jo du berriro Donostian: 5.869 euro metro koadroko
Apirila eta ekaina bitartean, metro koadroko prezioa % 1 igo da oro har Gipuzkoan, aurreko hiruhilekoarekin konparatuta. Etxebizitzen salerosketari dagokionez, % 2,7 handitu da, eta alokairuak, ordea, % 10,9 egin du behera.
Donostiako etxebizitzaren metro koadroaren batez besteko prezioa maximo historikoetan kokatu da berriz ere, aurtengo bigarren hiruhilekoan metro koadroko prezioa % 0,8 garestitu ostean: 5.869 euro metro koadroko. Urte osoari erreparatuta, % 5,7 garestitu dira etxebizitzak.
Gipuzkoa osoari dagokionez, metro koadroaren prezioa % 1 garestitu da apirilaren eta ekainaren artean (iazko epe berdinarekin konparatuta) eta % 6,3 urte osokoa, metro koadroko 3.698 eurora iritsira. Hori ere "maximo historikotzat" jo du COAPI Gipuzkoako Higiezinen Jabetzako Agenteen Elkargo Ofizialak, etxebizitza-merkatuari buruz astelehen honetan aurkeztutako txostenaren arabera.
Salmenta
Etxebizitzen salerosketari dagokionez, urteko bigarren hiruhilekoan 2.223 etxebizitza saldu edo erosi dira Gipuzkoan (bigarren eskuko 1.994 etxe eta 229 berri), hau da, % 2,7 gehiago aurreko hiru hilabetearekin konparatuta, eta % 48,4 gehiago iazko epe berdinarekin alderatuta.
Azken 12 hilabeteetan 8.471 etxe saldu nahiz erosi dira lurraldean, urteko % 29,8 gehiago, salerosketen goranzko joera berretsita.
Alokairua
Gipuzkoan azken hiruhilekoan egindako alokairu-kontratuen kopurua 1.457koa izan da, urte arteko % 10,9ko murrizketarekin, alokairuaren "beheranzko joera argia" sendotuz, txostenaren arabera.
Donostian, azken hiruhilekoan alokairu-kontratuak 457 egin dira (% 6,5 gutxiago).
Alokairuan eskainitako etxebizitzen hileko batez besteko errenta 2.074 eurokoa izan da Gipuzkoan (urtetik urterako 2,9 euro gehiago) eta 2.247 eurokoa Donostian (urtebete lehenago baino % 4,5 gehiago). Metro koadroko hileko batez besteko prezioa 11,6 eurokoa izan da (+ % 9,6) eta 15,4 eurokoa Donostian (+ % 7,8).
Ekonomiari buruzko albiste gehiago
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.