Urte erdi bete dute greban Gasteizko lorezainek, aurrerapausorik gabe eta manifestazio handi baten esperoan
Gatazkak ez du argirik ikusi, funtsean, lorezainek eskatzen dutena (hitzarmen propioa, soldata igoera garrantzitsuak eta lan-baldintza duinak) eta enpresa eta Udala ekonomikoki zein instituzionalki beren gain hartzeko prest daudena ez datozelako bat. Gainera, bitartekaritzak ez du bi aldeak hurbiltzerik lortu.
Gasteizko lorazainek urte erdi bete dute greban
Gasteizko lorazainen grebak sei hilabete bete ditu gaur, ostirala. Aldarrikapen gisa, langileek manifestazioa deitu dute arratsalderako, 18:30etik aurrera, hiriko bizilagunek "borroka justu honi babesa eman diezaioten".
Hiriko parkeak, lorategiak eta gainerako berdeguneak mantentzeko Udalak azpikontratatutako Enviser enpresako langileek martxoaren 26an hasi zuten greba, beren lan-baldintzak eta soldatak hobetzeko asmoarekin.
Harrezkero, hainbat bilera egin dituzte Lan Harremanen Kontseiluko Preco zerbitzuaren bidez; azkena joan den asteko ostegunean, eta horietan ez da aurrerapen garrantzitsurik izan.
Zergatik ez dago aurrerapausorik gatazkan?
Gatazkak ez du argirik ikusi, funtsean, lorezainek eskatzen dutena (hitzarmen propioa, soldata igoera garrantzitsuak eta lan-baldintza duinak) eta enpresa eta Udala ekonomikoki zein instituzionalki beren gain hartzeko prest daudena oso urrun baitaude.
Gainera, bitartekaritzak ez du bi aldeak hurbiltzerik lortu, eta beharginek Udalaren jarrera kritikatu dute, presio gutxi egiten ari dela iritzita.
Zer eskatzen dute lorezainek?
- Hitzarmen propio bat, Euskadiko bizi kostuarekin bat datozen soldata eta lan-baldintzak hobetuko dituena.
- Soldata igoera nabarmenak.
-Arrisku plusa, lanaldian hobekuntzak, baimenak eta lizentziak.
Zer eskaintzen du enpresak?
- Enpresak soldata igoera nahiko apalak proposatu ditu: % 3-4koa 2025-2027 aldirako, adibidez.
- Eskainitako hobekuntzek ez dute konpentsatzen langileek erreferentzia gisa hartutako erosteko ahalmenaren galera.
Gatazkak aurrera egiteko oztopo nagusiak
- Eremu ekonomikoari buruzko desadostasuna
- Udalaren rola
- Ezarritako gutxieneko zerbitzuak
- Luze jotzen ari den mobilizazioa eta horrek dakarren nekea
- Etorkizunerako eginako eskaintza eta ardura mugak
- Aurrepausorik gabeko bitartekaritza
Zure interesekoa izan daiteke
Gipuzkoarrek bizkaitarrek baino merkeago dute Bilbo-Donostia autobus zerbitzua; Facuak berdintasuna eskatu du
Zerbitzua ematen duten Avanza enpresak Mugi txartela onartzen du eta deskontuak aplikatzen ditu, baina ez du Barik txartela onartzen. Gipuzkoako Foru Aldundiak du linea horren gaineko eskumena.
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.