Villavesetako langileek greban jarraitzearen alde egin dute, oso bozketa estu batean
Garraio publikoko langileen % 50,6k egin dute grebaren alde; sei botoko aldeagatik gailendu da aukera hori. TCC enpresak ohartarazi du ez duela negoziatuko lanuztea bertan behera utzi arte.
Villavesa bat. Argazkia: EITB
Iruñerriko Villavesako langileen % 50,6k greban jarraitzearen alde egin dute ostiral honetan egindako bozketa batean. Sei botoren aldearekin erabaki dute lanuzteekin jarraitzea, 450 lagunek parte hartu duten bozketan.
Langile batzordeak astelehenean egingo du gertatu denaren inguruko balorazioa. Zuzendaritzak atsekabetuta hartu du emaitza, eta ohartarazi du ez duela berriz langileekin negoziatuko lanuzteak bertan behera utzi arte.
Langile batzordean gehiengoa duten UGT eta CCOO zuzendaritzaren azken proposamena babestearen alde agertu ziren, eta, gero, hura bozkatzearen alde, afiliatuek eskatuta; ELA, LAB eta ATTU, berriz, proposamen horren aurka agertu ziren eta mobilizazioekin segitzeko beharra aldarrikatu zuten.
Iruñerriko autobus zerbitzua esleitua duen TCC enpresa kataluniarra 2009tik ari da Villavesak gidatzen, eta ordutik nabarmen hazi da erabiltzaileen kopurua: 140.000 bidaiari egunero. Lanuzteek 83.000 bidaiariri eragiten die egunero.
Enpresaren azken proposamenak, besteak beste, puntu hauek jasotzen zituen: KPI orokorrari lotutako soldata igoera onartzea, aurreko hitzarmena amaitu ondorengo atzerapenak ordaintzea, jaiegunetako plusa eta gaueko plusa handitzea, kontingentzia arruntengatiko prestazioak hobetzea, norberaren gauzetarako laugarren egun bat jasotzea 2026an eta bosgarren bat 2029an, eta urteko lanaldia 1.658 ordukoa izatea. Horiei familia kontziliazioan eragina duten egutegiak hobetzea gehitu zion.
Proposamen hori onartuz gero, enpresak emandako datuen arabera, kontratu berria duten gidariek urtean 36.000 eurotik gorako soldata izango dute (40.000 eurokoa batez beste) eta astean 37 ordutik beherako lanaldia; baldintza berriak onartuta, langile horien soldatak % 30 gaindituko luke sektoreko hitzarmen probintzialeko soldata eta 100 lanordu gutxiago izango lituzkete.
Zure interesekoa izan daiteke
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Balizko akordio bati azken zertzeladak ematen ari dira EB eta Mercosur, nekazarien protesten artean
Frantziak, Hungariak eta Irlandak publikoki esan dute uko egingo diotela itunari, baina azken orduetan Italiako Atzerri ministro Antonio Tajanik adierazi du begi onez ikusi dutela Europako Batzordeak egindako azken askaintza.
Langile bat hil eta beste bat zauritu da Urruñan, eraikuntza-lanetan ari zirela
Istripua goizeko 09:15ak inguruan izan da, ur-biltegi bat eraikitzeko lanetan.
Mercosur akordioaren kontra, traktoreak kalera atera dituzte nekazariek Iruñean eta Gasteizen
Bihar sinatzekoa den Mercosur akordioaren kontra traktoreak kalera atera dituzte nekazariek. Iruñean eta Gasteizen traktoreak baliatuz egin dute protesta, haien kalterako izango omen den merkatu librearen akordioari aurre egiteko.
EAEko industria-jarduera % 0,8 hazi da urte batetik bestera azaroan, baina % 1,0 jaitsi da hiletik hilera
Eustaten datuen arabera, ekipo-ondasunek gora egin dute urterik urte, nahiz eta Araban hilean behera egin eta jarduerak behera egin.