Bankuan akzioak dituzten Sabadellen bezeroen % 2,8k onartu dute BBVAren eskaintza
Akziodun horiek Sabadell bankuaren kapitalaren % 1,1 ordezkatzen dute. Kataluniako bankuak azaldu duenez, bezero diren akziodun txikiak kapitalaren % 30,8ren jabe dira.
Sabadell bankuaren egoitza, Bartzelonan. Artxiboko argazkia: Europa Press
Sabadell bankuan akzioak dituzten bezeroen % 97,2k baztertu egin dute BBVAk Kataluniako bankua erosteko egindako eskaintza publikoa, Sabadellek astearte honetan jakinarazi duenez. Halaber, baiezkoa eman duten horiek kapitalaren % 1,1 baino ez dute ordezkatzen.
Kataluniako bankuak Balore Merkatuaren Espainiako Batzordera igorritako informazioaren arabera, akziodun eta bankuko bezero diren horiek (akziodun txikiak) kapitalaren % 30,8aren jabe dira.
Gauzak horrela, akziodun diren Sabadellen bezeroetatik % 2,8k soilik onartu dute BBVAk egindako eskaintza, hots, Sabadellen 4,8376 akzioko BBVAren akzio bat eskuratzea.
Datu horiek mahai gainean, ikusi beharko da BBVAk Sabadell erosteko egindako eskaintza publikoa zertan gelditzen den. Aurrera aterako ez balitz, ez da baztertzen BBVAk beste saiakera bat egitea. Balore Merkatuaren Espainiako Batzordeak datorren ostiralean jakinaraziko du eskaintza onartu den ala ez.
BBVAk Sabadellen akziodunen % 50en babesa lortzea jarri zuen baldintza gisa. Hala ere, % 30eko langa gaindituz gero, beste eskaintza bat egin ahalko luke.
Edozein kasutan, bigarren eskaintza aurkeztu ala ez BBVAren administrazio kontseiluaren erabakia izango da.
Carlos Torres buru duen bankuak esana du bigarren eskaintza hori lehenengoaren baldintza berdinetan egingo litzatekeela. Sabadellek, aldiz, gehiago eskatzen du.
Kontuak kontu, Balore Merkatuaren Espainiako Batzordeak erabakiko ditu prezio "ekitatiboa" zehazteko irizpideak.
Zure interesekoa izan daiteke
Tubos Reunidosek konpainia "birdimentsionatzea ezinbestekoa" dela azpimarratu du
Enpresak bere eskaintzari eutsi dio asteazken honetako bileran: 59 urtetik aurrerako aurre-erretiroak eta sustatutako bajen eskaintzan, urteko 38 egunekin.
Zer eragin izango du Ekialde Hurbileko egoerak argindar-fakturan?
Baliteke gasa argia baino gehiago garestitzea, eta kontratu motaren araberakoa izango da. Tarifa finkoa duten etxeek ez omen dute berehalako aldaketarik nabarituko. Araututako tarifa dutenek, berriz, arrisku handiagoa izango lukete.
Konpondu da txartel bidez ordaintzeko izan diren arazoak
Intzidentziak lehen ordutik izan du eragina, eta arazoak sortu dira establezimenduetan zein erabiltzaileen artean. Arazoa konpondu da jadanik.
India, aukera ugariko herrialdea euskal makina-erremintarako
Nazioarteko testuingurua benetan zaila den honetan, makina-erremintaren sektoreak aire freskoa bilatzen du geldirik dagoen Europatik eta aurkari bihurtu den Txinatik urrun. Estatu Batuetako merkatua birika nagusia izanik, sektoreak bi gune nagusi ditu helburu: India eta Mercosur.
Denboraldiko lehen antxoa euskal portuetara iristen hasi da
Sasoiko lehen antxoak euskal portuetara iritsi dira, kostera hasi eta hurrengo egunean. 20 tona sartu dira, esaterako, Getariako portuan. Orain ikusi behar zenbatean saltzen duten kiloa arraindegietan, eta uste bezain gozo ote dagoen.
EAEn 1.100 langabe gutxiago izan dira otsailean, baina Nafarroan langabeziak zertxobait egin du gora
Hego Euskal Herrian 137.000 langabe inguru daude.
Petrolioaren prezioak % 3 inguru egin du gora, eta burtsetan jaitsierak izango dira, Iranen aurkako erasoen ondorioz
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europako erreferentzietako bat, hilabeteko epean entregatzeko gasaren prezioa % 22 gehiago igo da, 53,14 dolarreraino.
EAEko enpresek 1.130 milioi euro esportatu zituzten Ekialde Erdikora 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Erdikoko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.