Avanza enpresaren zuzendaritzak eta langileen batzordeak aurreakordioa lotu dute: amaitu egin da Lurraldebuseko lan-gatazka
Gipuzkoako Foru Aldundia pozik agertu da Avanza enpresako langileen "lan-baldintzak hobetzen" dituen aurreakordioarekin. Lanaldia murriztea eta soldata % 12,10 igotzea daude jasota aurreakordioan, besteak beste.
Avanza enpresaren lehiatila, kontzentrazio batean. Argazkia: Orain
Avanza enpresako gehiengo sindikala osatzen duten ELAk eta UGTk eta zuzendaritzak aurreakordioa sinatu dute, eta Lurraldebuseko lan-gatazkari amaiera eman diote. Enpresa-batzordearen beste bi sindikatuk, Aurrerak eta LABek, ez dute aurreakordioa sinatu.
Sinatutako aurreakordioaren arabera, hitzarmena bost urtez izango da indarrean (2023-2028) eta, beste hobekuntza batzuen artean, 2026, 2027 eta 2028rako lanaldia 7 ordu eta 20 minutura murriztea aurreikusten da; hortaz, 2028rako, urtean 1.628 ordura iritsiko da.
Soldata-igoerari dagokionez, % 12,10eko osoko igoera egitea aurreikusita dago: 2023rako, % 5,4koa, 2024rako, % 3,1ekoa, eta 2025erako, % 3,6koa. Horren ondorioz, UGTren arabera, langileek "atzerapenak kobratuko dituzte".
Azahara Dominguez Gipuzkoako Mugikortasun, Turismo eta Antolamendu diputatua "pozik" agertu da aurreakordio horrekin, "Avanzako langileek lan-baldintzak hobetuko direlako".
Dominguezek azken urtean egin den lan "diskretu eta jarraitua" txalotu du, eta Eusko Jaurlaritzako Ekonomia, Lan eta Enplegu Sailaren bitartekaritza "funtsezkoa" izan dela azpimarratu du, "jarrerak hurbiltzeko eta alderdiak elkar ulertzea errazteko".
Azahara Dominguezek aitortu duenez, "hilabete zailak izan dira, greba egun ugari izan dira, eta egoera horrek egoera deserosoak eta ziurgabetasuna eragin ditu langileen eta herritarren artean", eta "benetan" eskertu du "denbora horretan erakutsitako pazientzia eta ulermena".
Ildo horretan, gogorarazi du bi urte hauetan Aldundiak emakidadun hori osatzen duten autobusen % 65 baino gehiago berritu dituela, eta "etengabeko zaintza- eta kontrol-lana" egin duela. Horren ondorioz, Dominguezen hitzetan, "2023an genituen gorabeherak nabarmen jaitsi dira".
Mugikortasuneko diputatuak gogorarazi du Gipuzkoa "une historikoan" dagoela garraio publikoaren erabilerari dagokionez, Lurraldebusek 28,8 milioi bidaiari izan baitzituen 2024an.
Zure interesekoa izan daiteke
KPIa % 4,5eraino igo da abuztuan Euskadin eta % 4,2raino Nafarroan
Espainiar Estatuan azken 3 urteetako mailarik altuenean dago urte arteko indizea: % 4,3an. Batez ere erragaien igoerak eragin du KPI-aren gorakada. Elikagaiak eta energia kontuan hartzen ez dituen azpiko inflazioa zertxobait apaldu da, %2,9an dago, aurreko hilean baino hamarren bat apalagoa da.
Petrolioaren prezioak gora egiten jarraitzen du, eta Brenta 107 dolarretik gora iritsi da
Saudi Arabiako oliobide garrantzitsu bat itxi ostean, egoerak okerrera egin du, eta erregaiek ere garestitzen jarraitzen dute, litroko 1,9 euro inguruko batez besteko prezioarekin.
Oiartzunen izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.