65 milioi eurorekin, abian da Indartuz funtsa, Euskadin inbertsio eraldatzaileak finantzatzeko
Gobernu Kontseiluak Finantzen Euskal Institutuari (FEI) Indartuz sozietate anonimo publikoa sortzeko baimena ematen dion dekretua onartu du astearte honetan. Funts estrategiko hori Euskadi Eraldatuz 2030 Inbertsio Eraldatuen Planean jasota dago.
Noël D'Anjou, astearte honetan. Argazkia: Irekia.
Eusko Jaurlaritzak funts berri bat sortu du, Indartuz, Euskadiko ekonomia eraldatzen lagunduko duten proiektuak inbertsore pribatuekin elkarlanean finantzatzeko. 2025 honetan 65 milioi izango ditu erabilgarri.
Noël D'Anjou Ogasun eta Finantza sailburuak astearte honetako Gobernu Kontseiluaren ondoren emandako prentsaurrekoan aurkeztu du funtsa. Indartuz funtsak bideratuko ditu, Finkatuz funtsarekin batera, Eusko Jaurlaritzak Euskal Finantza Aliantzaren (enpresetan inbertsio eraldatzaileak egiteko plan publiko-pribatua) esparruan konprometitutako 1.000 milioi euroen zatirik handiena,
1.000 milioi horiek lau tresnaren bitartez bideratuko dira, eta horietako bat Indartuz funts berria da, aurten Eusko Jaurlaritzaren 65 milioiko ekarpenarekin abiatuko dena, sailburuak azaldu duenez.
Kopuru horri 2026ko aurrekontu proiektuan jasotako 935 milioiko zorpetze gehigarriari gehituta, lortuko da lehendakariak martxoaren 3an iragarritako 1.000 milioi euroko inbertsio-zenbateko biribila Euskadi Eraldatuz 2030 proiektua garatzeko.
Funts hori "Eusko Jaurlaritzaren finantza-politika publikoan jarduteko modu berri bat da, tresna moderno eta malgua", eta bere helburua da "baliabide propioak zein kanpokoak mobilizatzea, euskal enpresa-sarea errotzea, hazkundea eta lehiakortasuna bultzatzatuko dituzten inbertsio eraldatzaileetara".
Funtsak lau jarduera-ildo izango ditu. Lehena enpresen eraldaketarako zor malgua da, epemuga ohi baino luzeagoak dituena. Bigarrena enpresen eskalagarritasuna da, enpresak haztea bilatzen duena, euskal enpresa gehienak ETEak baitira.
Hirugarrenak, etorkizuneko azpiegituren ingurukoak, lehiakortasuna, eraldaketa digital eta berdeak eta trantsizio soziala jorratzen ditu; eta laugarrenak, trantsizio sozialak, Euskadiren kohesioa eta ongizatea sustatzen duten proiektuak babestuko ditu, hala nola kultura eta deskontaminazio industrietan inbertitzea.
Funtsa FEIk kudeatuko du, eta horrek, sailburuak esan duenez, "kudeaketa eraginkorra, arina eta bikoiztasunik gabea" izatea bermatuko du.
Zure interesekoa izan daiteke
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.
Pirinioetako abeltzainek hartzak zaintzeko eskatu dute, horien kopurua abeltzaintza estentsiboarekin "bateragarria" izan dadin
Ezkaroze eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan zer ondorio izango dituen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.