Sidenorreko arduradunek epailearen aurrean defendatu dute Israeli egindako salmentak legezkoak zirela
Sidenorrek Israel Military Industries enpresari altzairua legez kanpo saldu ote zion ikertzen ari da Francisco de Jorge instrukzio epailea, eta enpresako hiru goi karguk ikertu gisa deklaratu dute.
Israeli altzairua legez kanpo saltzea egotzita, gaur, Auzitegi Nazionalean ikertu gisa deklaratu duten Sidenorreko hiru goi-kargudunek errugabeak direla defendatu dute. Israeli egindako salmentek legedia betetzen zutela eta ez zutela irregulartasunik egin esan diote epaileari. Eta hori hala dela ziurtatzeko, frogak erakutsi omen dituzte.
Deklarazioen ondoren, siderurgia-enpresak kaleratu duen oharrak dioena da goian azaldutakoa. Jose Antonio Jainaga, Sidenorreko presidenteak, eta bi goi-arduradunek Israel Military Industries armagintza sektoreko enpresari altzairua saltzeagatik deklaratu dute, goizean, Francisco de Jorge epailearen aurrean. Asociacion Comunitat Palestina de Catalunya Terra Santa taldeak jarri zuen haien kontrako kereila, kontrabandoa eta gizateriaren aurkako delituak egotzita.
Jainagaren arabera, ez Europako araudiak, ezta Espainiakoak ere, ez zioten Sidenorrek ekoitzitako altzairuak Israelen saltzeko "kontrol berezia" behar zuenik, eta horregatik, ez zioten salmentarako baimenik eskatu Espainiako Gobernuari, eta ez zuen izenik eman zegokion erregistroan.
Halaber, Sidenorreko buruak azaldu du ikerketapean dauden salmentak egin zirenean ez zegoela indarrean Israelekin merkataritza-operazioak egiteko "mugarik". Esportazio guztiak uztailean etetea erabaki zutela gaineratu du, enpresak berak hala erabakita, Espainiako Gobernuak Israeli enbargoa ezarri baino hiru hilabete lehenago.
Azkenik, ziurtatu du Espainiako eta Europako agintariek ez diotela Sidenorri oharrik helarazi Israeleko merkataritza-harremanak direla eta ezarritako neurri berezien berri emateko.
Jarritako salaketan, Comunitat Palestina de Catalunya Terra Santa taldeak salatu zuen Sidenorrek 1.207 tona altzairu saldu dizkiola Israeli, 2024tik.
Esklusiboki teknologia militarra
Jainagaren hitzak entzun ondoren, David Aranda akusazioaren abokatuak hedabideen aurrean hitz egin. Adierazi du Sidenorrek saldutako altzairua "esklusiboki teknologia militarra fabrikatzen duen enpresa batek" erosi duela Israelen, besteak beste, misilak eta munizioa jaurtitzeko plataformak egiteko.
Hori dela eta, Sidenorrek bere apelazioan erabilitako argudio nagusia zalantzan jarri du Arandak, siderurgia enpresak esan baitu saldu duten altzairuak ez duela erabilera bikoitza.
Abokatuak gogoratu du Israelgo armagintza enpresa bati altzairua "modu erregularrean" bidalita, Sidenorrek genozidio delituan parte hartu duen ari direla ikertzen.
Zure interesekoa izan daiteke
EBk telelana sustatzea, abiadura mugak murriztea eta hegazkin bidaiak saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardueren dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.
Euskal partzuergoak Ayesa Digitalen erosketa itxi du
Iñigo Ucin presidente ez-exekutibo gisa eta Manuel Baraza kontseilari delegatu bezala sartuko dira. Operazioan, Indar Karterak, BBK-k, Eusko Jaurlaritzak, Vital Fundazioak eta Tekneik osatutako partzuergoak Ibermatica zaharra erosi du.
Euriborra % 2,565era igo da, 2022ko urritik izan duen hileko hazkunderik handienaren ondoren
Ekialde Hurbileko gerrak petrolioaren eta gasaren prezioetan eragin dituen igoerek ziurgabetasuna eraman dute merkatuetara eta inflazioaren beldurra zaldu dute banku zentraletan. Ondorioz, hipoteka aldakorrak kalkulatzeko erabiltzen den indizea gora begira jarri da.
Etxebizitzen prezioa % 12,8 igo da Euskadin, eta % 16, Gipuzkoan
Hala, EAE Espainiako hirugarren erkidego garestiena da, metro koadroko 2.631 euroko batez besteko prezioarekin.
Jaurlaritzak elektrizitate-sorkuntza berriztagarria bikoiztuko du 2030era arte, 80 milioiko inbertsio publiko-pribatuarekin
Horrekin batera, 'Lehentasunezko jarduketa-eremuak' izeneko dokumentu bat diseinatu du Jaurlaritzak, parke eolikoak eta fotovoltaikoak "modu errealista eta arrazionalean" hedatzeko. Guztira, eguzki-energiako eta energia eolikoko 11 'planta handi' aurreikusten dira 2030erako.
Satlantisek Lurra behatzeko bere bosgarren satelitea bidali du espaziora
Vandenbergeko (Kalifornia, AEB) Espazio Gunetik egin dute bidalketa, Euskal Herrian 13:07ak zirenean. Bizkaiko enpresak garatutako bereizmen handiko bi kamera daramatza sateliteak.
CAFek 300 milioitik gorako kontratua eskuratu du Serbian eta 30 tren egingo ditu Belgraderako
Unitateak eraikitzeaz gainera, lehen bi urteetako mantentze-lanak ere bere gain hartuko ditu. Serbian lortzen duen bigarren kontratua da.
Ekipaje zerbitzuko langileen greba 90 minuturainoko atzerapenak eragiten ari da Bilboko aireportuan astelehen honetan
Maletak eramateaz eta aireportuetako beste zerbitzu batzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
ELAk helegitea aurkeztuko du Tubos Reunidosen erregulazio txostenaren aurka, eta altzairutegiko eta logistika eremuko mantentze-lanei eustea eskatu du
Zentral abertzaleak zalantzan jarri ditu joan den ostiralean enpresak argitaratutako 2025eko emaitzak, "2024koa baino fakturazio nabarmen handiagoa erregistratu arren, aitortutako galerak hasieran jakinarazitakoak baino handiagoak direlako". ELAk adierazi duenez, "litekeena da zuzendaritzak kontabilitate ingeniaritza modu interesatuan erabili izana", eta zalantzan jarri du haren sinesgarritasuna.
Jaurlaritzaren arabera, EAEko ekonomia % 1,9 haziko da 2026an, aurreikusi bezala
Mikel Torres Eusko Jaurlaritzako Ekonomia, Lan eta Enplegu sailburuak esab duenez, "egoera kezkatzeko modukoa da, baina ez gaitezen alarmismoan erori; konfia dezagun".