ENBAk eta EHNEk hegazti gripeari "zorroztasun zientifikoarekin" aurre egiteko eskatu dute, ez "neurri politikoekin"
Nekazarien elkarteen ustez, “hein handi batean landakoa, estensiboa eta ekologikoa” den Euskadiko ekoizpen-sisteman itxialdiak “gaixotasunak zabaltzeko arriskua” dakar.
ENBA eta EHNE nekazari eta abeltzainen sindikatuek Arabako, Bizkaiko eta Gipuzkoako erakundeei eskatu diete hegazti gripearen kudeaketan "zorroztasun zientifikoz" jokatzeko eta "neurri politikoak" proposatzeari uzteko.
Ohar baten bidez adierazi dutenez, orain arte gai honen "kudeaketa ez-konstantea" egin dela uste dute eta "harrituta" agertu dira euskal administrazioak haiekin "gai hori zuzenean jorratzeari uko egin diolako". Hala, sektore osoa (nekazaritzako erakunde profesionalak eta hegazti-kooperatibak) lan-mahaietara deitzea eskatu dute, baita, "behar bezalako euskarri zientifikoarekin", gizarteari Euskadik duen hegaztien ekoizpen-sistemaren onurei buruzko informazioa ematea ere, "baserritarren prestigioa lehengoratuz".
Astelehenean, Eusko Jaurlaritza eta hiru foru aldundiak hegaztien sektoreko ordezkariekin bildu ziren. Bilera horretan Ministerioak hegaztiak ustiategietarako emandako agindua aztertu zuten eta erabaki zuten, kasu jakin batzuetan, posible izango dela hegaztiak denbora tarte batez kanpora ateratzea, betiere, kutsatzeak eragozteko, hegazti basatiekin kontaktua saihesteko sistemak ezarrita dauden ustiategietan.
ENBAk eta EHNEk azaldu dute Euskadin ustiategi gehienak "landa-ekoizpeneko sistema estentsiboak, edota ekologikoak dira", oiloak kanpora ateratzea bermatzen dutenak, eta horiei eragiten diela gutxien hegazti gripeak.
Era berean, ziurtatu dute sektoreak "aspalditik dituela barneratuta prebentzio-neurriak"; hala nola, animaliak barruan elikatzea, pertsonak sartzea saihestea eta arropa eta oinetakoak aldatzea ustiategietan lan egiteko.
Horregatik, bi elkarteen iritziz, konfinamendu batek "gaixotasunak izateko arriskua areagotu baino ez luke egingo", hegaztiak "barrualdera ohitzen ez direlako". Gaineratu dute itxialdiak "pododermatitisa, elkarri mokoka aritzea, eta estresa" eragingo diela oiloei eta, langileentzat oilategiak garbitzeko zailtasunak handituko direla.
Belardien gainean babes-sareak jartzeari dagokionez, ENBA eta EHNEren ustez, "bideraezina" da kostuagatik, EAEko baldintza klimatikoengatik eta belarra mozteko edo traktorearekin sartzeko ezintasunagatik.
Zure interesekoa izan daiteke
Astearte honetan hasiko da errentaren kanpaina Araban eta autolikidazio proposamenak onartu ahal izango dira
Arabako Foru Aldundiaren aurreikuspenen arabera, aurten 202.576 pertsona inguruk egingo dute errenta aitorpena Araban, eta horietatik % 70 inguru herritarrei dirua itzultzeko izango dira. Kanpaina ekainaren 25ean amaituko da eta gehien erabiliko den modalitatea 'Rentafacil' izango da.
Tubos Reunidoseko enpresa batzordeak "inplikazioa" eskatuko dio Jaurlaritzari, asteazkenean egingo duten bileran
Gorka Abascal ESK sindikatuko ordezkari eta enpresa batzordeko kideak adierazi duenez, bilerara jarrera positibo eta arduratsuarekin joango dira, Eusko Jaurlaritzaren eta Espainiako Gobernuaren arteko negoziazioak nola doazen ezagutzeko asmoz. Enpresak bere zorraren erdia Espainiako Gobernuarekin dauka, zehazki, SEPI Industria Partaidetzarako Espainiako Sozietatearekin.
1.033.410 kotizatzaile zeuden martxoan Euskadin, otsailean baino 5.003 gehiago eta 2025eko martxoan baino 10.971 gehiago
Langabeziari dagokionez, martxoan 107.173 pertsona zeuden Lanbiden erregistratuta, otsailean baino 179 gehiago eta duela urtebete baino 1.141 gutxiago. Nafarroan ere igo egin da afiliazioa, eta langabezia, berriz, jaitsi, eta 2008tik izandako daturik onenak izan dira Foru Erkidegoan.
"Handling" zerbitzuko langileek beste greba egun bat dute gaur, eta 175 hegaldi daude programatuta Loiun
Lanuzteak egingo dituzte txanda guztietan. Joan den astelehenean 90 minuturainoko atzerapenak izan ziren, eta hegaldiren bat bertan behera geratu zen.
Gasteizko Aireportuko aparkalekuak doakoa izateari utziko dio 2027tik aurrera
Aenaren arabera, aireportuaren jarduera "nabarmen" hazi da, eta horren ondorioa izan da erabakia. Ramiro Gonzalez Arabako diputatu nagusiak esan du hedabideen bidez izan duela erabakiaren berri.
Tubos Reunidoseko langileek enplegu-erregulazioko espedientea bertan behera uztea eta erakundeen inplikazioa eskatu dute
Amurrioko lantegiko Tubos Reunidoseko langileek manifestazioa egin dute asteazken honetan, 242 kaleratze proposatzen dituen enplegu-erregulazioko espedientearen aurka. Bilbon egindako mobilizazio batean, sindikatuen ordezkariek gutun bat aurkeztu dute enpresaren bulegoetan, espedientea bertan behera uzteko eskatuz.
Nafarroako Gobernuak Irango gerraren ondorio ekonomikoak arintzeko laguntzak iragarri ditu
Hasiera batean, harmonizazio-dekretu bat onartu dute, estatuko neurriak foru-araudira egokitzeko, baina aurreratu du neurri fiskal propioak lantzen ari dela, hala nola, PFEZren ordainketak atzeratzea.
Etxeko hegaztien ustiategietan ezarritako konfinamendua kendu dute, partzialki
Arrisku eta zaintza bereziko eremuetan mantendu egingo da neurria: Nafarroan, 12 udalerritan jarraituko dute etxaldeetako hegaztiek konfinatuta, eta EAEn, sei herritan.
Aldundiek neurri fiskalak iragarri dituzte Irango gerraren eragina arintzeko
Hartutako neurrien artean daude zerga-zorrak salbuespenen epeak luzatzea, PFEZren ordainketa zatikatuak egitetik salbuestea eta BEZaren itzulketen izapideak azkartzea, enpresei finantzaketa handiagoa eskaintzeko.
EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.