Aldatuko dute Ertzaintzarako LEPen fase psikoteknikoen baremazioa, aurrekoan % 90ek ez baitzuten gainditu
2028an 8.000 agente izatea helburu duen Ertzaintzaren Enplegu Plana aurkeztu du Bingen Zupiria sailburuak Gobernu Kontseiluan, eta 150 plazako LEPa egingo dela iragarri du.
Ekitaldia, Arkautin. Argazkia: Irekia
Eusko Jaurlaritzako Segurtasun Sailak iragarri du aldaketak egingo direla Ertzaintzaren lan-eskaintza publikoetako proba psikoteknikoaren baremazioan, aurreko deialdian 3.609 hautagaietatik % 90ek azterketa teoriko eta psikoteknikoetan huts egin ondoren.
Bingen Zupiria sailburuak egin du iragarpena, Gobernu Kontseiluaren ondoren egindako prentsa-agerraldian. Bertan, Ertzaintzaren Enplegu Plana aurkeztu du. Plan horren helburua, besteak beste, 2028rako 8.000 agente izatera iristea da.
Hori dela eta, eta aurreko deialdiako 473 plazetatik 270 hutsik gelditu daitezkeenez, jakinarazi du 150 lanpostu eskainiko dituen LEP bat jarri dutela martxan.
Deialdi honetako proba psikoteknikoa baloratzeko moduan aldaketak egongo direla jakinarazi du sailburuak, aurreko deialdian hautagai gehienek proba horretan egin zutelako huts.
Aurrekoetan, beharrezkoa zen proba osatzen duten lau faseak gainditzea, psikoteknikoa gainditutzeko. Orain, ordea, lau faseetan lortutako noten batura gainditu beharko da (120 puntutik gutxienez 60 lortuta) eta ez da derrigorrezkoa izango fase guztiak gainditzea.
Proba psikoteknikoak baztertzailea eta nahitaezkoa izaten jarraituko du, prozesu osoa osatzen duten gainerakoek bezala.
35. promozioari dagokion deialdi berriaren helburua aurreko promozioan bete gabe gelditutako plazak esleitzea da. Hori dela eta, hasiera batean 150 lanpostu atera badira ere, 473 esleitzeko aukera zabalik utzi dute.
Lan-eskaintzako fase guztiak gainditzen dituzten pertsonak praktiketako funtzionario izendatuko dituzte eta prestakuntza-ikastaroa egin beharko dute Arkautiko Polizia eta Larrialdietako Euskal Akademian. Ondoren, praktikaldia egin beharko dute ertzain-etxe batean.
Ertzaintzako funtzionario izateko, prestakuntza-ikastaroa eta praktikaldia gainditu beharko dituzte.
Betekizunak
Astearte honetan ireki da 35. promozioan izena emateko epea.
Hautagaiek 18 urte baino gehiago eta 38 baino gutxiago izan beharko dituzte. Horrez gainera, Batxilergoko titulua, horren baliokidea edo maila altuagoko titulazioren bat eskatuko zaie.
Lanpostu guztiek Ertzaintzaren lehen hizkuntza-eskakizuna dute esleituta (administrazioko 2.aren baliokidea) eta 120k derrigortasun-data igarota daukate.
Ertzaintzaren Enplegu Plana aurtengo uztailean onartu zen Ertzaintzaren Negoziazio Mahaian, ERNE, ESAN eta SIPE sindikatuen aldeko bozekin. Gobernu Kontseilutik igaro ondoren, Eusko Legebiltzarrean aurkeztuko da.
Zure interesekoa izan daiteke
Euskal Y-aren eta Nafarroaren arteko lotura urtea amaitu aurretik erabakiko dela esan du Santanok
Espainiako Gobernua lotura Gasteiztik edo Ezkiotik egitea aztertzen ari da. Dena den, eztabaida irabazle eta galtzaile terminoetan egitea baztertu du Jose Antonio Santano Espainiako Gobernuko Garraio eta Mugikortasun Jasangarriko estatu idazkariak Radio Euskadin gaur egin dioten elkarrizketan.
Eusko Jaurlaritza kezkatuta agertu da medikuen grebarekin, Osasun Ministerioak eta greba batzordeak astelehenean bilera egin atarian
Sindikatuek mobilizazio egutegiari eutsi diote, eta akordiorik lortu ezean, apirilaren 27tik 30era greba egingo dute berriro.
Berako Arcelorreko beharginek salatu dute lantegiko mediku-arreta kaskartzen ari dela
ELA sindikatuak salatu du, besteak beste, istripua izan duten langileak —baita lesio larriak dituztenak ere— birkokatu egiten dituztela, dagokien baja medikoa eman beharrean. Hori dela eta, ostegunero lanuzteak egingo dituzte, osasasun arreta kaskartu egin dela salatzeko.
ELAk eta LABek lanuzteak deitu dituzte udal guztietan, apirilaren 23tik aurrera, lan baldintzen gaineko akordioa berritzeko
Sindikatuek lanuzteak eta grebak iragarri dituzte apirilean, maiatzean eta ekainean, lan hobekuntzak aldarrikatzeko eta 28.000 udal langileren baldintzak arautzen dituen akordioaren negoziazioa desblokeatzeko.
Berretsi egin dute Aceros Olarra enpresari ezarritako zigorra, amiantoaren ondorioz hildako behargin baten heriotza ikertzeko auzian
EAEko Justizia Auzitegi Nagusiak berretsi egin du Bilboko epaitegi baten ebazpena. Horren arabera, Cofivacasa sozietate publikoa eta Aceros Inoxidables Olarra enpresa zigortu zituen, eta langilearen familiari 153.000 euro baino gehiago ordaindu behar dizkiote, bien artean, amiantoak biriketako kartzinoma eragin ziola ebatzita.
ESK sindikatuak bi greba egun deitu ditu Gasteizko Mercedes Benz lantegian
Protesta apirilaren 25ean eta 27an izango da, eta salatu nahi dute zuzendaritza “eten barik” urratzen ari dela hartutako akordioak.
Zumaiako Estaños Matienako langileak grebara joango dira apirilaren 13tik 17ra, lan segurtasunean hobekuntzak aldarrikatzeko
Langileek "euren osasuna eta segurtasuna bermatzea" eskatu dute, hainbat istripu izan baitira lantegian, besteak beste, urtarrilaren 31n langile gazte bat hil zen, lan-istripuz.
Ekialde Hurbileko su-eten hauskorrak urduri ditu parketak
Petrolioaren prezioa % 2 inguru igo da lehen orduko enkanteetan. Asiako burtsek galerekin zabaldu dute, eta Europako eta Estatu Batuetako burtsetan ere beherakadak aurreikusi dira.
Euskalduna Jauregiko garbitzaileek bost greba-egun deitu dituzte, soldatak parekatzea aldarrikatzeko
Apirilaren 14tik 18ra egingo dute greba. ISS Facility zerbitzuaren enpresa esleipenduneko langileek salatu dutenez, urtean 18.000 euro inguru kobratzen dituzte, eta Bizkaiko Foru Aldundiko beste eraikin batzuetako garbiketako beste langile batzuek, berriz, 27.000 euro.
Nafarroako Foru Ogasunaren autolikidazio-proposamenak, kontsultagai
Gaur abiatuko da kanpaina telematikoa, eta hilaren 20an aurrez aurrekoa, ekainaren 25era arte. Esperientzia pilotu gisa, aurten errenta bulego mugikor bat egongo da hiru puntutan (Zangoza, San Adrian eta Altsasu), Ogasunaren bulegorik ez duten eremuetako bizilagunei tramitea egiten laguntzeko.