Enpresen kopurua % 0,8 murriztu zen iaz EAEn, baina horiek sortutako enplegua % 1,5 hazi zen
Hiru eskualdek Euskal Autonomia Erkidegoko enplegu osoaren % 68,9 biltzen dute: Bilbo Handiak (% 38,9), Donostialdeak (% 16,6) eta Arabako Lautadak (% 13,3).
2025eko urtarrilaren 1ean 146.404 enpresa aktibo zeuden Euskal Autonomia Erkidegoan, aurreko urtean baino % 0,8 gutxiago, baina horiek sortutako enplegua % 1,5 hazi zen, Eustaten datuen arabera.
146.404 enpresa horiek 164.138 establezimendutan (fabrikak, saltokiak, bulegoak, etab.) banatuta zeuden. 2024an, 13.335 establezimenduk hasi zuten jarduera eta 14.411k amaitu zuten; hala, azken saldo negatiboa 1.076 establezimendukoa izan zen.
Eustatek gaur argitaratutako 'Egitura eta enpresa demografia' inkestaren arabera, iaz EAEn jardun zuten enpresen % 29,7k bost urte edo gutxiagoko antzinatasuna zuten, eta % 14,8k, bi urte edo gutxiagokoa.
Txandakatze handiena merkataritza, garraio eta ostalaritza sektoreetan gertatu da: alta guztien % 29,1, eta baja guztien % 32,4.
Bilbo Handiak, Donostialdeak eta Arabako Lautadak enpleguaren % 68,9 biltzen dute, batez ere, zerbitzuen sektorean oinarrituta. Zerrendako lehen postuan Bilbo Handia ageri da (% 38,9), Donostialdea (% 16,6) eta Arabako Lautadaren aurretik (% 13,3).
Aurreko urtearen aldean, enplegua EAEko batezbestekoaren (% 1,5) gainetik kokatu zuten jarduera sektoreak honako hauek izan ziren: Informazioa eta komunikazioak (% 4,8), Administrazio publikoa, hezkuntza eta osasuna (% 2,8), Eraikuntza (% 1,9) eta Arte-jarduerak eta beste zerbitzu batzuk (% 1,6).
Azken 5 urteetako bilakaera kontuan hartuta, EAEko establezimenduen kopurua % 3,4 jaitsi da, pixkanaka, eta antzerakoa gertati da Araban, Bizkaian eta Gipuzkoan. Aitzitik, aldi horretan lanean dabiltzanen kopurua % 5,5 igo da.
Zerbitzuak, buruan
Egitura ekonomikoari dagokionez, establezimendu gehien izan zituzten jarduera-sektoreak Merkataritza, Garraioa eta Ostalaritza (% 34,8) izan ziren. Horien atzetik jarduera profesional eta lagungarriak (% 16,3), Administrazio publikoa, Hezkuntza eta Osasungintza (% 12,3) eta Eraikuntza (% 11,6) ageri dira.
Langile kopurua aintzat hartuta, % 25 Merkataritza, Garraioa eta Ostalaritza sektorean kontzentratu zen, % 24,6 Administrazio publikoa, Hezkuntza eta Osasungintzan (% 24,6) eta % 19,4 Industria eta Energian (% 19,4).
Eboluzioa, lurraldez lurralde
Lurralde historikoen arabera, Bizkaiak enplegatuen % 50 bildu zituen, Gipuzkoak, % 33,2, eta Arabak, % 16,8.
Bizkaian eta Gipuzkoan, Merkataritza, Garraioa eta Ostalaritza sektoreak lurraldeko enplegu guztiaren % 25,5 eta % 25,2 bildu zituen, hurrenez hurren. Araban, aldiz, sektore nagusia Administrazio publikoa, Hezkuntza eta Osasungintza izan ziren, enplegu guztiaren % 25,9 bildu zuen eta.
Aurreko urtearekin alderatuta, enplegatutako pertsonen kopuruan hazkunde handiena izan duen sektorea Informazioa eta Komunikazioarena izan da hiru lurraldeetan: % 6,3 Araban, % 3,3 Bizkaian eta % 8,4 Gipuzkoan.
Zure interesekoa izan daiteke
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.
BBVAren errekurtsoa atzera bota eta Bilboko dorrean amiantoaren eraginpean egondako langile baten ezintasuna berretsi dute
Auzitegiak berretsi egin du BBVAko langile baten lanbide-gaixotasunagatiko ezintasun absolutua, eta berretsi egin du minbiziaren lan-jatorria, hainbat hamarkadatan amiantoaren eraginpean egon ondoren, Kale Nagusiko 1. Dorrean; beste txosten batzuen arabera, berriz, eraikin berari lotutako kasu gehiago daude.
Bilboko udal zerbitzuetako garbitzaileek hirirako sarbidea itxi dute, San Mamesen
Bilboko udal zerbitzuetako garbitzaileek bederatzigarren greba-astea hasi dute, lan-baldintza hobeak eskatzeko.
Medikuek bosgarren greba asteari ekingo diote astelehen honetan, Estatutu Markoaren proiektuaren aurka
Uda epe konplexua dela eta, hau izango da oraingoz, lanuzteak egingo dituzten azken astea. Egoera konponduko ez balitz, baina, medikuek ez dute baztertzen irailetik aurrera greba mugagabera jotzea.