Abian dira Eusko Jaurlaritzaren hileko 220 eurorainoko laguntzak adingabeak dituzten familia zaurgarrientzat
Eusko Jaurlaritzako Ongizate, Gazteria eta Erronka Demografiko Sailak egoera bereziki ahulean dauden eta beren kargura adingabeak dituzten familientzako oinarrizko laguntza materialaren laguntzak eskatzeko epea ireki du. Deialdiak lau milioi euro inguruko gehieneko zuzkidura du, eta Plus Europako Gizarte Funtsaren barruan kokatzen da (EGF+ 2021-2027).
Programak elikadura eta higiene pertsonaleko produktuak erosteko baliabide ekonomikoak ematea du helburu. Laguntza txartel edo txartel trukagarrien bidez antolatzen da eta gehienez hiru hilabeteko epeetarako ematen da. Zenbatekoa hiru hilean behin berrikusten da, familia unitate bakoitzaren benetako egoeraren arabera.
Hileko diru-kopuruak aldatu egiten dira etxearen tamainaren arabera: 130 euro bi kideko familientzat, 160 euro hiru kidekoentzat, 190 euro lau kidekoentzat eta 220 euro hilean bost kide edo gehiago dituztenentzat, betiere adin txikiko bat gutxienez ardurapean badute. Laguntzak 2026ko abenduaren 31ra arte aitortu ahal izango dira.
Besteak beste, baldintza hauek bete behar dira: Euskadin bizitzea, behar beste baliabide ez izatea, Diru-sarrerak Bermatzeko Errenta eta Bizitzeko Gutxieneko Diru-sarrera ez jasotzea eta ezarritako diru-sarreren mugaren azpitik egotea. Programaren kudeaketak Espainiako Gurutze Gorriaren esku jarraituko du, Eusko Jaurlaritzarekin hitzarmena luzatu ondoren, eta horrek ekimenaren jarraipena bermatzen du eta laguntzak jasotzean etenaldiak ekiditen ditu.
Zure interesekoa izan daiteke
Guztira 3.764 pertsonak eman dute izena Ertzaintzaren 35. promozioko LEPrako
Horietatik 2.383 gizonak dira eta 1.381 emakumeak. Prozesuak, oposizio-fasean, lau fase izango ditu, guztiak derrigorrezkoak eta baztertzaileak.
Euskadik Gizarte Segurantzako afiliazio errekor historikoarekin itxi du 2025a
Hala ere, Euskadiko langabeziaren beherakada joera eten da 107.434 langaberekin, 2024an baino 54 gehiagorekin; Nafarroan, aldiz, 872 pertsonako jaitsiera izan du.
Trumpek petrolioaren merkatua kontrolatu nahi du, adituen arabera
Venezuela munduko petrolio-potentzia izan daiteke laster, nazioarteko enpresei lizentziak emanez gero, Trumpek aurreikusi bezala. Hala ere, urre beltza ez da helburu bakarra; izan ere, Latinoamerikako herrialdeak mineral, gas natural, nikel eta koltan erreserba handiak ere baditu.
Euriborra % 2,267ra igo da abenduan, baina jaitsi egin da urteko bilakaeran, Espainiako Bankuaren arabera
Martxotik izan duen tasarik altuena lortu du urte amaieran. Hala ere, urteko beherakadari esker, urtero berrikusten diren hipoteka aldakorren kuotak merkatuko dira, nahiz eta aurreko hilabeteetan baino apalago.
Autoen salmenta % 16,4 handitu da Euskadin 2025ean, baina dieselen salmentak % 45 murriztu dira
Abenduan, matrikulazioak % 5,7 murriztu dira Euskadin, 2.728 autoraino. Horien artean, 448 gasolina-auto (-%32,9) eta 65 diesel-auto (-%49,2). Beste erregaienak, berriz, % 5,58 handitu dira, 2.215 unitateraino.
Guggenheim Bilbaok 1,3 milioi bisitari baino gehiagorekin itxi du 2025a
Museoak 3.660 bisitari gehiago izan ditu, 2024ko datuekin alderatuta, eta bertaratutakoen % 90 atzerritik etorritakoak izan dira.
Eusko Jaurlaritzak 928.000 euro bideratuko ditu Euskadiko mahastiak modernizatzeko
Dirulaguntzak 105 hektarea baino gehiago berregituratzen eta birmoldatzen lagunduko du, "mahastizaintza- eta ardogintza-sektorearen lehiakortasuna eta iraunkortasuna hobetzeko".
Alokairuko etxebizitzen prezioa % 3,8 igo da Euskadin 2025ean, eta % 5,6 Nafarroan
Azken urtean, alokairuko etxebizitzen hileko errentek gora egin dute Hego Euskal Herria osoan. Nafarroa igo dira gehien (% 5,6), ondoren Bizkaia (% 4,5), Araba (% 4) eta, azkenik, Gipuzkoa (% 1,9). Batez besteko prezioaren koadroan, zerrendak bueltaerdi ematen du eta eta Gipuzkoa dago prezio-gailurrean (16,4 euro/m2); ondoren, Bizkaia (14,7 euro/m2), Araba (12,1 euro/m2) eta Nafarroa (11,1 euro/m2).
Talgok Uzbekistanen duen kontraturik handiena ziurtatu du, 80 milioikoa
Konpainiak hamar urteko akordioa sinatuko du herrialdeko trenbideen enpresa publikoarekin, sei Talgo 250 trenen mantentze integrala egiteko.