Merkealdian gerta daitezkeen 15 trikimailu ohikoenez ohartarazi du Facua kontsumitzaileen elkarteak
Legez kanpoko praktiken aurrean kontsumitzaileak erreklamazioa egiteko eskubidea du, baita merkealdian ere.
Merkealdia. Artxiboko argazkia: EFE.
Neguko merkealdia ofizialki hasi da eta hainbat saltokik garai honetan egin ohi dituzten 15 trikimailu ohikoenen berri eman du Facua kontsumitzaileen elkarteak. Merkealdian erosita ere, kontsumitzaileen eskubideak errespetatu egin behar dira. Ondorioz, urteko beste sasoietan gertatzen den bezala, legez kanpoko praktiken aurrean kontsumitzaileak erreklamazioa egiteko eskubidea du.
Facuaren arabera, hauek dira 15 tranpa ohikoenak:
1- Merkealdia iragartzen duten kartelek merkatutako produktuek baino leku gehiago hartzen dute. Legearen arabera, artikuluen erdiek, gutxienez, prezio merkatua izan behar dute denda bat merkealdian dagoela iragarri ahal izateko.
2- Erosi duzun bideojoko berria instalatzen hasi eta barruan disko bat duela konturatzen zara. Hortaz, "erabilitako produktu bat saldu dizute".
3- Beherapenak zituen arropa merkealdiaren aurretik ez zegoen salgai. "Kate batzuek garai honetan merkaturatzeko produktuak egiten dituzte, etiketetan agertu behar den lehengo prezioa (eta prezio merkatua) asmatuz.
4- Merkatutako produktuak aurkitzeko "mapa bat eskatu behar da saltokiaren sarreran". Izan ere, establezimendu askok merkealdia bi hilabete luzatuko dute, deskontuak dituzten artikulu oso gutxi geratzen bazaizkie ere.
5- "Erosi zenuen alkandorari bi botoi falta zaizkio, baina dendan esan dizute ez dutela merkealdian itzulketarik onartzen". Tara bat duen produktu batek deskonturik ez badu, kontsumitzaileak eskubidea dauka konpontzea eskatzeko edo beste baten truke aldatzea eskatzeko. Hori ez bada posible, dirua itzuli beharko zaio erosleari.
6- Etxetresna elektrikoek urtebeteko bermea dute, ez hiru urtekoa. Kasu horretan, salgai dagoen produktu hori bigarren eskuko produktua da, horiek urtebeteko bermea baitute.
7- Saltokiak ez du uzten deskontua duten produktuak txartelarekin ordaintzen.
8- % 70eko beherapena denda osoko bospasei produkturi mugatzen zaie.
9- % 70eko deskonturik ez. Aitzakia da deskontu horrekin artikuluren bat izan zutela hasieran, eta orain lan handia dela fatxadatik publizitatea eta dendako iragarki guztiak kentzea.
10- Saltokian ohartarazi dute Gabonetan erositako produktu bat itzultzen baduzu ezin duzula berriro eraman prezio txikiagoan. Legeak debekatu egiten du hori.
11- Lehen 69,99 euro balio zuen galtza bat orain 69,95 euroren truke saltzen da. "Legeak ez du ezartzen produktu batek beherapen gisa iragartzeko izan behar duen gutxieneko deskontua.
12- Itzulketak deskonturik ez duten produktuetan soilik onartzen dituztela dio saltokiak.
13- Merkatutako produktuak bestelakoen ondoan jartzen dituzte.
14- Gerta daiteke merkealdia baino astebete lehenago prezioak garestitzea "gero asko jaitsi direla esan ahal izateko".
15- Tara bat duen merkatutako produktu bat aldatu nahi baduzu, erosketa txartel bat edo dirua eman behar dizute.
Zure interesekoa izan daiteke
Metroko bi zaintzailek Urdulizen jasandako eraso "bortitza" salatu dute
CC. OO. sindikatuak Metro Bilbaori eta enpresa esleipendunari eskatu die plantillari baliabide egokiak emateko "muturreko indarkeria" egoerei aurre egin ahal izateko.
Justiziak errefusatu egin du mediku gazatar bat Sidenorren aurkako akusazio partikular gisa aurkeztea, eta ez ditu kontuan hartuko Basauriko erregistroak
Akusazio partikularra erretiratu ostean, ezin izango dira Jose Antonio Jainaga eta beste bi zuzendari ikertu genozidio eta gizateriaren aurkako delituen konplizitateagatik. Siderurgia-enpresaren aurkako ikerketa zabalik dago Auzitegi Nazionalean, altzairua Israelgo enpresa bati esportatzeagatik eta hori ustez armamentua fabrikatzeko erabiltzeagatik.
Voloteak txartelen prezioa erregaiaren kostuaren arabera igo eta jaitsi ahal izango du, 14 eurorainoko tartearekin, hegaldia baino astebete lehenago
Fair Travel Promise sistema berri eta aldakorraren bidez gehigarri finko tradizionalak ekidin nahi ditu konpainiak. Hala, airelineak txartelaren behin betiko salneurria erregaiaren prezioaren arabera doitzeko aukera izango du.
Hithiumen inbertsioa Nafarroan gauzatzeko akordioa sinatu dute Chivitek eta Txinako enpresak, Pekinen
Proiektuari esker 405 milioi euro inbertitu eta 700 lanpostu inguru sortuko dira, lehen fasean, Nafarroan, eta bigarren fasean mila lanpostu ere izan daitezke.
Tasa turistikoa Donostian: Hurtadok uste du ezinezkoa dela uda baino lehen ezartzea, eta Mendoza elkarrizketarako prest agertu da
Jon Insausti alkateak Donostiako tasa turistikoa uda aurretik ezartzea mahai gainean jarri ondotik, gaia pil-pilean dago: Javier Hurtado Turismo sailburuak Radio Euskadin adierazi du ez duela uste bideragarria denik 2027a baino lehen ezartzea, epe teknikoak direla eta. Bien bitartean, Eider Mendoza Gipuzkoako ahaldun nagusiak Euskadi Irratian esan du Gipuzkoako Batzar Nagusietan eztabaidatuko dutela, akordio batera iristeko.
Abian da errentaren kanpaina Bizkaian: % 70ek "itzultzeko" emaitza izango dute, zergadunen alde
Ekainaren 30era arte luzatuko da epea, eta Foru Ogasunak 683.000 errenta-aitorpen inguru aurkeztea aurreikusten du.
Osakidetzarako lan-eskaintzaren lehen probak ekainaren 19an, 20an eta 21ean egingo dira
Aurreko deialdiekin alderatua, badira zenbait berritasun: besteak beste, probaren nota gorde ahalko da, eta test motako azterketa bakarra egingo da. Guztira, 5.425 lanpostu eskainiko dira, eta 2.160 berriak izango dira.
Sindikatu eta abokatuek langileak "finko" egin ditzatela eskatu dute, Europar Batasuneko Justizia Auzitegiaren ebazpenaren ondoren
Auzitegi Gorenari dagokio orain mahai gainean dituen auziak ebaztea eta Europako ebazpena nola bete behar den zehaztea. Interinok Taldea sindikatuak eta auzia bultzatu duen abokatuak kontratu finkoak izatea ezinbestekotzat jotzen dute. ELAk Gobernuaren “borondate politiko eza” agerian gelditu dela salatu du.
Espainiako Gobernuak dio Europako Justiziaren epaiak ez duela behartzen langile interinoak zuzenean finko bihurtzera
Astearte honetan argitaratutako epai batean, Europar Batasuneko Justizia Auzitegiak adierazi du ez dela nahikoa Espainiak interinoak mugagabe ez-finko bihurtzea. Espainiako Gobernuak, bien bitartean, berretsi egin du langileen behin-behineko kontratuen kopurua murrizteko konpromisoa duela, eta nabarmendu du 419.756 plaza egonkortu dituela dagoeneko.
Inflazioa % 3,4koa izan da martxoan Euskadin, eta % 3,5ekoa Nafarroan, petrolioaren prezioaren ondorioz
Martxoko inflazioa Espainiako Estatuan uste baino hamarren bat altuagoa izan da, erregaien prezioen gorakadak eraginda.