EAEk % 2,9ko inflazioarekin itxi du 2025a, abenduan hiru hamarren jaitsita, eta Nafarroak % 2,6rekin, lau jaitsita
Espainiako Estatistikako Institutuak (INE) ostegun honetan argitaratutako datuen arabera, Euskadin erregistratutako indizea Espainiako batezbestekoaren parekoa da, % 2,9koa, eta Nafarroakoa batezbestekoaren azpitik gelditu da.
Behikia da 2025ean gehien garestitu den elikagaietako bat. EFEren artxiboko argazkia.
Euskal Autonomia Erkidegoak % 2,9ko inflazioarekin itxi zuen 2025a, abenduan kontsumoko prezioen indizea (KPI) hiru hamarren jaitsi zen eta.
Espainiako Estatistikako Institutuak (INE) ostegun honetan argitaratutako datuen arabera, Euskadin erregistratutako indizea Espainiako batez-bestekoaren parekoa da, % 2,9koa, alegia
Lurraldeka, urtearteko KPIa % 3,1ekoa izan zen Araban; % 3koa, Bizkaian, eta % 0,1ekoa, Gipuzkoan. Azaroarekin konparatuta, % 0,3 igo da Araban eta Bizkaian, eta % 0,1, Gipuzkoan.
Sektoreka, Euskal Autonomia Erkidegoan, urtearteko KPIa % 3,9 igo da Elikagaietan, eta % 2ra jaitsi da Garraioetan; Etxebizitzan, berriz, % 5,3 hazi da.
Alkoholdun edarietan eta tabakoari dagokionez, % 3,5era igo zen; Jantzi eta oinetakoi dagokionez, % 1,7 jaitsi zen; Menajean, % 1,1; Medikuntzan, % 2,2; Komunikazioetan, % 1,6; eta Aisialdian eta Kulturan, % 0,3.
Irakaskuntzaren atalean % 2,3an mantendu zen, eta Hotel, Kafetegi eta Jatetxeetan, % 5,4ko tasa izan zuen.
Nafarroan, abenduko kontsumo prezioen indizea (KPI) % 2,6koa izan zen, azaroan erregistratutakoa baino lau hamarren txikiagoa, Espainiako Estatistika Institutuak emandako datuen arabera.
Edari alkoholdunak (% 4,7) eta Etxebizitza (% 4,6) dira gehikuntzarik handiena izan duten sektoreak, eta ondoren Hotelak, Kafetegiak eta Jatetxeak ( % 3,7).
Espainian, oro har, KPIa hamarren bat jaitsi zen abenduan, urtearteko tasa % 2,9koa izan zen, erregaiak merkatu zirelako eta pakete turistikoak gutxi igo zirelako; elikagaien inflazioa, berriz, bi hamarren igo zen, % 3ra arte.
Arrautzak eta behikia dira 2025ean gehien garestitu ziren elikagaiak Espainian, abendua % 31,3 eta % 17,2ko igoerekin itxi baitzuten, hurrenez hurren.
Elikagaien eta edari ez-alkoholdunen prezioak % 3 igo ziren abenduan, 2024ko itxierarekin alderatuta. Aitzitik, oliba olioa izan zen 2025ean gehien merkatu zen elikagaia, urteko % 31,6ko jaitsiera izan zuen eta, INEren datuen arabera.
Zure interesekoa izan daiteke
India, aukera ugariko herrialdea euskal makina-erremintarentzat
Nazioarteko testuingurua benetan zaila den honetan, makina-erremintaren sektoreak aire freskoa bilatzen du geldirik dagoen Europatik eta aurkari bihurtu den Txinatik urrun. Estatu Batuetako merkatua birika nagusia izanik, sektoreak bi gune nagusi ditu helburu: India eta Mercosur.
Denboraldiko lehen antxoa euskal portuetara iristen hasi da
Sasoiko lehen antxoak euskal portuetara iritsi dira, kostera hasi eta hurrengo egunean. 20 tona sartu dira, esaterako, Getariako portuan. Orain ikusi behar zenbatean saltzen duten kiloa arraindegietan, eta uste bezain gozo ote dagoen.
EAEn 1.100 langabe gutxiago izan dira otsailean, baina Nafarroan langabeziak zertxobait egin du gora
Hego Euskal Herrian 137.000 langabe inguru daude.
Petrolioaren prezioak % 3 inguru egin du gora, eta burtsetan jaitsierak izango dira, Iranen aurkako erasoen ondorioz
Petrolio gordinaren prezioarekin batera, gas naturalarena ere igotzen ari da; izan ere, Herbehereetako TTF merkatuan, Europako erreferentzietako bat, hilabeteko epean entregatzeko gasaren prezioa % 22 gehiago igo da, 53,14 dolarreraino.
EAEko enpresek 1.130 milioi euro esportatu zituzten Ekialde Erdikora 2025ean, guztizkoaren % 3,8
Guztira 42 euskal enpresak 63 ezarpen dituzte Ekialde Erdikoko hainbat herrialdetan.
Jantokien greban ikasleek janaria kanpotik eramatea errespetatzeko eskatu du Pedrosak, ikastetxeak baimentzen badu
Ikastetxe publikoetako jantokietako beharginek lan-baldintzak hobetzea eskatzeko joan den astean egindako hiru greba egunen ondoren, martxoaren 10, 11 eta 12rako deitutakoan aurreko egoera ez dadin errepikatu galdegin du Hezkuntza sailburuak, izan ere, zenbait ikastetxetan etxetik eramandako janaria kendu zitzaien ikasleei. Pedrosak sindikatuei eta enpresei eskatu die "mahaitik ez altxatzeko" akordio batera iritsi arte, horretarako "oinarri ona" dutelako.
Pradalesek Ekialde Hurbileko egoera "baretu" dadila eskatu du, eta euskal enpresei dagokienez "beharrezkoak diren neurriak" agindu ditu
Makina-Erremintaren Nazioarteko Azokaren irekiera-ekitaldian, Barakaldoko BECen, lehendakariak aurreratu duenez, Eusko Jaurlaritza Ekialde Hurbileko gatazkak izan ditzakeen "ondorioak" aztertzen ari da dagoeneko, eta "gerra" bat hasteko "benetako arriskua" dagoela ohartarazi du.
Abian da MWCren hogeigarren ekitaldia Bartzelonan, fokua espazioan eta begirada 6G teknologian jarrita
Mobile World Congress kongresuak, konektibitateari lotutako teknologiari buruzko munduko hitzordu nagusiak, 2.900 erakusketari baino gehiago bilduko ditu. Bartzelonako Gran Via de Firako azoka-barrutian martxoaren 5era arte 100.000 bisitari baino gehiago biltzea espero da eta lurraldean 585 milioi euroko eragin ekonomikoa sortzea aurreikusten du, aurreko ekitaldian baino % 4,3 gehiago.
Makina-Erremintaren Nazioarteko Azokak digitalizazio, automatizazio eta robotika proiektu handizaleak erakutsiko ditu BECen
Martxoaren 2tik 6ra, bost egunez, 1.503 erakusketari eta 3.350 produktutik gora egongo dira bertan. Gainera, nazioarteari egingo diote azpimarra aurtengo edizioan, 70 herrialdetatik iritsitako bisitariak bilduko baititu.
Makina-Erremintaren Nazioarteko Azoka, euskal industriaren sendotasuna erakusteko topagunea
Euskal industriaren sendotasuna erakusteko eta merkatu berriak topatzeko aukera izango dute Makina-Erremintaren Nazioarteko Azokan parte hartzen duten enpresek. 34 herrialdetako 3.350 produktu eta zerbitzu berritzaile aurkeztuko dituzte, gehienak makinak.