Eusko Jaurlaritzak Enagas konpainiaren % 1 erosi du, 45 bat milioi euroren truke
Erosketa hori Indartuz funtsaren bidez egindako lehen inbertsio zuzena da.
Enagas konpainiaren egoitza. Artxiboko argazkia: Irekia
Eusko Jaurlaritzak Enagas konpainiaren kapital sozialaren % 1 erosi du Finantzen Euskal Institutuaren (FEI) bidez, Ogasun Sailak asteazken honetan ohar bidez jakinarazi duenez. Eragiketa hori Indartuz sozietatearen bitartez gauzatu da, hau da, Euskadi Eraldatuz 2030 Planaren esparruan bultzatutako finantza tresnaren bidez.
Erosketa hori Indartuz tresnaren bitartez egindako lehen inbertsio zuzena da. Operazioaren inguruko zenbakirik eman ez duten arren, Enagasen burtsako kapitalizazioa gaur egun 4.500 milioi eurokoa dela kontuan izanda, 45 milioi euro inguru ordaindu du Eusko Jaurlaritzak % 1aren truke.
Eusko Jaurlaritzaren arabera, "inbertsio estrategikoa da energia autonomian eta energia horniduraren segurtasunean funtsezko aktibo batean".
Enagas konpainiaren azpiegitura oinarrizkoa da energia sistemak funtziona dezan eta Euskadiko energia hornidura bermatzeko. Gainera, konpainiak funtsezko zeregina izango du hidrogeno berdearen sare nagusiaren hedapenean eta Europako H2Med korridorean.
Zure interesekoa izan daiteke
Erregaien prezioa ia bi eurora iritsi da litroko, laguntzak amaitzear diren honetan
Aurtengo uztailean iaz baino % 16 hipoteka gutxiago sinatu dira Euskadin
Pello Guibelalde Adegiren presidente ohia hil da, 82 urterekin
Heko, Oarsoaldean eta Baztanen erabili ahal izango den euskal moneta
Madrilgo Udalak ez du onartu Urbagestionek Maricarmen etxera itzultzeko egindako eskaintza
NBEk CAF seinalatu du bigarrenez Israelen okupazio politikei etekina ateratzen dielakoan
EAE eta Nafarroa, erosketa egiteko erkidego garestienen artean
Audik, Seatek eta Volkswagenek ia hiru milioi ibilgailu ikuskatzeko agindua eman dute mundu osoan, akats tekniko batengatik
Metro Bilbaoko 5. lineako Aperribai eta Bengoetxe geltokietako indusketa-lanak amaitu dituzte
