Irailaren 17an eta 18an mobilizazio gehiago egingo dituzte Gipuzkoako adinekoen egoitzetako langileek
ELAk deituta, grebalariek hainbat protesta ekintza egingo dituzte zinema jaialdiaren inaugurazio egunean eta bezperan. Sindikatuak salatu du negoziazio mahaia "blokeatuta" dagoela eta Aldundiari "berehala esku hartzeko" eskatu dio.
Egoitzetako langileak, mobilizazioak iragartzeko prentsaurrekoan. Argazkia: EITB
Gipuzkoako adinekoen egoitzetako eta eguneko zentroetako beharginek mobilizazio gehiago egingo dituzte irailaren 17an eta 18an, Donostian, "hitzarmenaren negoziazioaren "blokeoa" salatzeko". Protesta ekintzek Zinemaldia edukiko dute ardatz, eta zinema jaialdiaren lehen egunerako eta bezperarako antolatu dituzte mobilizazioak. ELAk salatu du hitzarmena berritzeko negoziazio mahaia ez atzera ez aurrera dagoela ekainetik, eta Gipuzkoako Foru Aldundiari "berehalako esku hartzea" eskatu dio, greba hasi zenetik 300 egun igaro baitira.
Hilaren 17an eta 18an 'Zaintzaldia' izeneko ekimena antolatu du sindikatuak, hots, Gipuzkoako egoitzen zinema jaialdia. Lehen protesta egunean hainbat ekintza egingo dituzte langileek: atxikimenduak jasoko dituzte, gatazkaren berri emango dute eta sariak banatuko dituzte. Ostiralean manifestazioa egingo dute Donostiako kaleetan zehar.
ELAk ohar bidez azaldu duenez, "hitzarmena berritzeko negoziazio mahaia 2025eko urtarrilean hasi zen, eta ekainetik hainbat bilera egin ondoren, berriro blokeatuta dago, patronalek ez baitute proposamen berririk egiteko gaitasunik".
"Foru Aldundiak abian jarritako aldebiko bilerek ez dute emaitzarik izan, hutsalak izan dira, edukirik gabekoak; eta proposamenik gabe", kritikatu du. Horrez gain, salatu du greba mugagabean dauden Zaintzen edo Biharko Gipuzkoa zentroetan grebalariak kaleratu dituztela; ELArentzat hori "oso larria" da, eta sindikatuak adierazi du ez duela onartuko "jazarpen sindikalik" eta erakundeei errespetua eta babesa eskatu dizkie.
Azkenik, "propaganda egiteari uzteko eta benetako esku hartzea egiteko" eskatu dio ELAK Aldundiari.
Gipuzkoako adinekoen egoitzen eta eguneko zentroen sektoreak 5.000 langile ditu, gehienak emakumeak. Foru Aldundiak finantzatutako zerbitzua da, nahiz eta behargin gehienek enpresa pribatuentzat lan egiten duten.
Zure interesekoa izan daiteke
Etxebizitza eskaria biztanleria baino zazpi aldiz gehiago hazi da Euskadin
Egoera horri irtenbidea emate aldera, bi sailburuek aurreratu dute Eusko Jaurlaritzak "etxebizitza hutsen aurka" borrokatuko duela; alde batetik, zerga fiskalekin, eta bestetik, merkatura ateratzen ez diren etxebizitza hutsei ondasun higiezinen gaineko zergan errekargua jarrita.
Etxebizitza % 10 garestitu da Euskadin eta % 9,5 Nafarroan urteko bigarren hiruhilekoan
Apirila eta ekaina bitartean, bigarren eskuko etxebizitzen prezioa % 11,2 igo zen Euskadin eta % 12,9 Nafarroan.
Volkswagenek 50.000 lanpostu gehiago murriztuko ditu, erdiak Alemanian eta gainerakoak Europan
Volkswagen taldeak krisia bizi du, Txinako fabrikatzaileek Europan lehia gogortu, Txinan salmentak jaitsi eta AEBko muga-zergen ondorioz.
Lehorteak kaltetutako nekazarientzako laguntzak iragarri ditu Frantziak
Nekazarien ordezkariak datorren astean bilduko dira Frantziako Nekazaritza Ministerioarekin, euren eskaerak helarazteko. Lehortearen eta beroaren eragina arlo ekonomikoan nabaritzen ari da, baina baita fisikoan eta mentalean ere.
Ardogile bat hil da Lantziegoko upategi batean izandako istripuan
Ezbeharra 12:20 aldera jazo da, eta gertatutakoaren nondik norakoak ikertzen ari dira. Larrialdi-zerbitzuak bertaratu dira, baina ezin izan dute beharginaren bizia salbatu.
Zaballako sei funtzionariok kea arnasteagatik izandako lesioak "prebentzio gabezi larrien" ondorio izan ziren
ELAk jakinarazi duenez, Lan Ikuskaritzaren txosten batek "kausa-ondorio erlazio argia ezartzen du Administrazioaren omisioen eta lan-istripuaren artean".
Zerga-erreforma berriak langileen artean desberdintasunak ekarriko dituela salatu du ELAk
Euskadi Irratian egindako elkarrizketan Mitxel Lakuntza ELAko idazkari nagusiak kritika gogorra egin dio EAJk eta PSEk aste honetan iragarritako zerga-erreformarako akordioari, enpresen mesedetarako egin dela esanez.
Sanchezek AAren inguruko “itun nazional handia” sustatuko du eragile sozial eta politikoekin
Hitzarmenak trantsizioari aurre egiteko beharrezko elementuak ezarri nahi ditu, besteak beste, lan-merkatuan, erregulazio teknologikoan, inbertsioetan eta finantzaketan.
Tubos Reunidos erosteko eskaintzak aurkezteko epea luzatu du konkurtso-administratzaileak
Enpresa erosteko interesa omen dute hainbat eroslek. Hortaz, irailaren 30era arte luzatu du enpresaren informazioa eskuratzeko epea, eta urriaren 7ra arte eskaintzak aurkeztekoa.