Volotea hartzekodunen aurrekonkurtsoan sartu da

Volotea aire konpainiak hartzekodunen aurrekonkurtsoa zabaldu du Bartzelonako epaitegi batean.  

Duela astebete jakinarazi zuen hartzekodunekin elkarrizketetan zebilela bere finantza-zorra epe luzera berregituratu ahal izateko (200 milioi euro ingurukoa da), eta konpainiaren bideragarritasuna bermatuko duen akordio batera iristeko.

Aldi berean, Voloteak hegazkinen kopurua murriztea aurreikusten du; 44 ditu gaur egun eta 30 edo 35ekin gelditzea nahiko kule. Azkenik, inbertitzaileen bila dabil kapitala handitu ahal izateko.

Konpainiak 22 joan-etorri egiten ditu Loiuko aireportutik, bost Hondarribitik eta hiru Gasteiztik. Halaber, azaroan Noaindik Sevillarako joan-etorriak martxan jartzeko asmoa dauka.