Volotearen 300 hegaldi baino gehiago bertan behera geratu dira Bilboko aireportuan
Konpainiak 22 ibilbide ditu Loiuko aireportutik, bost Hondarribitik eta hiru Gasteiztik. Era berean, Noaindik Sevillarako hegaldi bat jartzeko asmoa zuen.
Volotea. Argazkia: EFE
Volotea hegazkin-konpainia hartzekodunen aurrekonkurtsoan dago, eta 300 hegaldi baino gehiago utzi ditu bertan behera Bilboko aireportuan, Radio Euskadik jakitera eman duenaren arabera.
Konpainiak 22 ibilbide ditu Loiuko aireportutik, bost Hondarribitik eta hiru Gasteiztik. Era berean, Noaindik Sevillara hegaldi bat jartzeko asmoa zuen. Bilbotik bidaiari gehien mugitzen duen bigarren konpainia da.
Facua eta kontsumitzaileen beste elkarte batzuk konpainiaren txartelik ez erostea gomendatu dute.
Voloteak duela astebete jakinarazi zuen hartzekodunekin negoziatzen zebila epe luzerako 200 milioi euroko finantza-zorra berregituratzeko eta konpainiaren bideragarritasuna bermatuko duen akordio batera iristeko.
Gainera, Voloteak flota 44 hegazkinetik 30-35era murriztea aurreikusi du, eta kapital gehikuntza bat prestatzen ari da hainbat inbertitzailerekin.
Egoera horren aurrean, Erreklamatuk 50 kontsulta inguru jaso ditu. Erabiltzaileek salatu dute konpainiak ez duela erantzuten.