Epailea Kukutza auziko aldeekin bilduko da erabakia hartu aurretik
Azken 13 urteetan Bilboko Kukutza gaztetxea egon den eraikina eraisteko agindua bertan behera geratu da epailearen aginduz, Errekalde Berriz bizilagunen elkarteak neurriaren kontra aurkeztutako helegitea aintzat hartu ondoren, eta atzo gaztetxea hustu eta auzo osoan istilu latzak bizi ondoren. Epaileak, erabakia hartu aurretik, gaur jasoko ditu auziko alde guztiak: Udala, bizilagunen elkartea eta eraikinaren jabea, Cabisa SA.13:00etan izango da hori Epaitegian, eta 12:30erako kontzentrazioa deitu dute Albia jardinetan, auzitegiaren parean, Kukutza defendatzeko. Era berean, 20:00etarako beste manifestazio bat deitu dute Errekalde Plazan.
Horrez gain, Iñaki Azkuna Bilboko alkateak agerraldia egin du 11:00etan eta Kukutzarekin lotutako adierazpenen bat egin dezake.
Duela 50 urte baino gehiagotik utzita zegoen eraikina Errekaldeko Gazte Asanbladak erabili du azken 13 urteetan kulturarekin lotutako hamaika ekimen gauzatzeko.
Baina orain, Cabisa SA eraikuntza enpresak partzela berreskuratzea eta bertan etxebizitzak eraikitzea erabaki du. Udalaren baimena izan du horretarako.
Kukutzako erabiltzaileei beste eraikin bat eskaini zieten, alokatu egin beharko zutena eta ordaintzeko Udalaren laguntza izango zutena, baina negoziazioetan errefusatu egin zuten proposamena.
Irailaren 7an, Udalak gaztetxea eraisteko baimena eman zuen eta bi aste geroago iritsi da operazioa. Baina bizilagunek helegitea aurkeztu zuten eta Bilboko Auzitegiak aintzat hartu du eta eraisteko agindua geldiarazi du.
Kukutzako bozeramaileek gogorarazi dute eraikinaren jabeek hiri-lurzoru industrial gisara erosi zutela eraikina, baina gero Udalak rekalifiaktu egin zuela etxebizitzak eraikitzeko. Orduan ere, bizilagunen elkartea kontra izan zuen Udalak, lurzorua auzokideentzako ekipamenduetara bideratzea eskatu baitzuten.
Zure interesekoa izan daiteke
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.