Epaileak gaur erabakiko du Kukutza eraitsi ala epaiketa egin
Errekaldeko bizilagunak epailearen aurrean agertu ziren atzo Kukutza gaztetxea botatzeko erabakiaren kontrako epaiketa bat eskatzeko eta Bilboko Auzitegiak gaur erabakiko du gaztetxea eraisteko baimena ematen duen ala epaiketa abiarazten duen. Epaiketa horretan eraisketak Hiri Ordenamenduaren Arau Orokorra urratzen ote duen ebatziko litzateke.
Euskal Sortzaileak izeneko kolektiboak, bere aldetik, prentsaurrekoa emango du Errekalde plazan 11:45ean ta bertan izango dira euskal kulturako hainbat ordezkari.
Gaztetxearen eraikina orain dela urte batzuk okupatu zuten eta gazte lokal moduan erabili da orain arte.
Ordea, jabeak eraikina berreskuratzea eta, bota ostean, etxeak eraikitzeko erabakia hartu zuen. Udaletxeak eraikina botatzeko baimena eman zion eta Kukutza jendez husteko agindua sinatu zuen epaile batek.
Bilboko auzitegiak gaur erabakiko du zer egin Kukutza gaztetxearekin.
Arkitektoek eraikinari buruzko txostena egingo dute
Euskal Herriko Arkitektoen Elkargo Ofizialak iragarri du txosten bat osatzen ari dela eraikinaren balioaren inguruan eta Kukutzaren egoeraz. Elkargoak azaldu duenez, "sortu berri den egoeragatik" erabaki dute txostena egiten hastea.
Mantendu behar da
Industri Ondare eta Herri Laneko Euskal Elkartearen arabera, Kukutza gaztetxearen eraikina udal-plangintzak babestea aurrikusten dituen eraikinen artean jasota dago.
Horrez gain, deitoratu du "gaur gaurkoz, bi aldeen arteko konponbiderik" aurkitu ez izana eta eraispena bertan behera geratzea eskatu du, eraikinerako bestelako proiektu bat egin arte.
Gaztetxea jendez hustea
Ertzaintza Kukutza Gaztetxean sartu zen asteazkenean jendez husteko, eraikina botatzeko agindua jarraituz. Ertzaintzaren eta Udaltzaingoaren agenteak 05:30ak aldera joan ziren Errekalde auzora eta bizilagunen eta Kukutzaren aldekoen erresistetziaren aurrean, kargatu eta gomazko bolak jaurti zituzten. Gaztetxearen bozeramaileen hitzetan hamaika zauritu daude ekintza polizialaren ondorioz.
Bere aldetik, Iñaki Azkuna Bilboko alkateak esan du, Bilboko Kukutza gaztetxea ixteko operazioan eta ondoren izan ziren protestan, "kale borroka zirudien indarkeria" ikusi zuela eta "badakigu nondik ateratzen den hori guztia".
Bilboko alkateak Bilduri leporatu dio Gaztetxearekin sortu den "arazoa elikatzea" eta Ertzaintzaren jarduna babestu du.
Ertzaintzak Errekalden egindako operazioa "proportzionala" izan dela defendatu du Rodolfo Ares Herrizaingo sailburuak. Gainera, ertzainek "profesionaltasunez ekin" dutela nabarmendu du sailburuak.
Bilduren erantzuna Azkunari
Bilduk erantzun egin dio Bilboko alkateari eta "Kukutzaren atzean" ez, "Kukutzaren alboan" dagoela esan du.
Donostiak Ertzaintzaren lana salatu du
Donostiako Udalak Ertzaintzak gaztetxea husteko izan zuen jarrera salatu du. Prentsaurreko batean, Asier Jaka Partehartze zinegotziak elkartasuna eta babesa helarazi die urtetan Kukutza "sortzeko lanean aritu direnei", Errekalde auzoko herritarrei eta Bilboko herri-mugimenduari.
Manifestazioa, epaitegietan
Kukutzako zaleek eta kideek manifestazioa egin zuten Bilboko epaitegien aurrean. Manifestazioan Oskar Matute, Ana Etxarte eta Aitziber Ibaibarriaga Bilduko ordezkariak izan ziren.
Ertzaintzak ehunka manifestarien aurka kargatu zuen eta atxilotu bat izan zen, Radio Euskadik jakinarazi duenez.
Protesta eguna
20:00etan abiatu zen atzo Errekalde auzoan, Kukutzaren aldeko manifestazioa. Lagun askok egin zuten bat deialdiarekin, eraikina bota ez dezaten eskatzeko.
Zure interesekoa izan daiteke
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.