Gertakaria
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Eraikin bat jendez hustu dute luizi baten ondorioz, Legorretan

Eraikinaren ondoko mendi-mazelaren zati bat behera etorri zen atzo eta kalte egin zion eraikinari. Hori dela eta, badaezpadako neurri gisa, etxebizitzetan zeuden herritarrak ateratzea erabaki zuten.

Erredakzioa

Azken eguneratzea

Legorretako eraikin bateko bizilagunak etxetik atera dituzte bart mendi-mazela baten zati bat behera etorri eta gero. Luiziak kalteak eragin dizkio eraikinari eta badaezpadako neurri gisa erabaki zuten bizilagunak bertatik ateratzea.

Herrizaingo Sailak jakitera eman duenez, 22:00ak aldera izan zen luizia, atzo, hiru solairuko eraikinaren aldamenean dagoen mendi batean.

Bizilagunek etxetik kanpo, senide edo lagunen etxeetan edo hoteletan, egin behar izan dute lo. Herrizaingo Sailetik adierazi dutenez, Ertzaintza eta Gipuzkoako Aldundiko teknikariak gaur goizean joango dira eraikinaren egoera zein den aztertzera.

Gizartea Gipuzkoa Eguneko Titularrak Luiziak Goierri

Zure interesekoa izan daiteke

Gehiago ikusi
Publizitatea
X