Kaltedunentzako laguntza indibidualak iragarri ditu lehendakariak

Iñigo Urkullu lehendakariak Eusko Jaurlaritzaren ''konpromisoa'' helarazi die Bermeon piztutako sute erraldoiak kaltetutako herritarrei, eta gizarte-larrialdietarako laguntza indibidualak egongo direla iragarri du.

Josu Erkoreka Jaurlaritzako bozeramailearekin batera, Bermeon izan da Urkullu ostegun honetan, arratsaldean, sutea izan den tokian bertan.

Lehendakariak esan duenez, ''horrelako ezbeharretan inpaktu bisualak ez ohi digu kalteen atzetik dagoen zorigaitza ikusten uzten'', eta, kaltetuei zuzenduta, Jaurlaritzaren ''asmoa'' gizarte-larrialdietarako laguntza indibidualak ematea dela gaineratu du.

Halaber, larrialdi talde ezberdinek eta erakundeek ''koordinatuta'' egindako lana azpimarratu du.