Legazpin % 27ko parte-hartzea izan da galdeketaren lehenengo orduetan
Zaborrak biltzeko "atez ateko" sistemaren gaineko galdeketan parte hartu du legazpiarren % 27k. 16:00ak arte 1.937 boto zenbatu dira, legazpiarren % 27,5a, alegia.
Sistema horren aurkako plataformak eskainitako datuak dira. Bilduko Udalak ekainean ezarriko duen zaborrak biltzeko "atez ateko" sistemaren aldeko ala aurkako boza eman beharko dute Legazpiko auzokideek bihar arte izango den galdeketan.
Kontsultaren lehenengo egunean 10:00etan hasi eta 20:00etan amaituko da. Antolatzaileek diotenez, ez da aparteko jazoerari izan. Hala ere, Segurtasun Sailak jakinarazi duenez, goizaldean bi edukiontzi erre dituzte 02:15ak aldera Latxartegin eta San Inazioko auzoan.
Bozek igandean 10:00etatik aurrera jarraituko dute. Kontsultaren antolatzaileek "gardentasunik handiena" eman nahi izan diote kontsultari. Horren harira, notario batek hautontziak zigilatu zituen ostiral honetan.
Kontsultaren emaitzak igandean 20:00etan jakinaraziko dituzte baina Koldobike Olabide plataformaren bozeramaileak esan duenez, emaitzak ez dira lotesleak baina "auzi honetan herriak badu erabakitzeko eskubidea".
Desobedientzia zibila
Atez ateko Kontrako Herri Plataformak deituta, 7.000 lagunek dute hondakinen kudeaketaren inguruan bozkatzeko aukera. Bost hauteslekutan eman dezakete boza: Domingo Agirren, Laubiden, San Ignazion, Haztegin eta Brinkolan. Larunbatean, 10:00etatik iluntzeko 20:00ak arte izango dira zabalik hauteslekuak eta igandean, 10:00etatik 16:00ak arte.
Bosgarren edukiontzia nahi dutenek boto-paper marroia aukeratu behar dute, eta atez atekoaren aldekoek zuria.
Prozesua Zumarragako notario baten zaintzapean egiten ari da.
Atez ateko sistemaren aurka 3.600 lagunen sinadurak lortu ostean deitu du herri-galdeketa Atez Ateko Kontrako Herri Plataformak. Horien arabera, galdeketak "argi utziko du bizilagunak Bilduk ezarri nahi duen sistemaren aurka daudela".
Koldobike Olabide bozeramaileetako batek esan duenez, galdeketan jendetzak parte hartzea espero du, "atez atekoaren aurka eta bosgarren edukiontziaren alde".
Halaber, "desobedientzia zibila" deitzen duten lehenak izan daitezke; izan ere, Olabidek esan duenez, emaitzei kasu egin ezean, "legazpiarrek inposaketaren aurka daudela azaltzeko desobedientziara joko dute".
Bestalde, Kepa Urzelai alkatearentzat galdeketa ez da garbia izango, "erroldatuta ez daudenek ere bozkatu ahal izango dutelako".
Herri-galdeketa Usurbilen
2010ko martxoan Usurbilgo herritarren % 55,8k atez ateko sistemaren aldeko boza eman zuen. Ondorioz, 2009an ezarritako sistemari eustea erabaki zuen Udalak. Galdeketa horretan usubildarren % 70,23k parte hartu zuen.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.