Albiste dira

Urkullu Osakidetzaren 30. urteurrenaren ospakizunean izango da gaur

Urtemuga ospatzeko prestatutako ekitaldia 12:00etan hasiko da, eta "erakunde publikoek eta gizarteak Osakidetzari eta langileri zor dizkieten babesa eta aitormena adieraztea" izango du helburu.

Urkullu Osakidetzaren urteurrenaren ospakizunaren buru izango da. Argazkia: EFE

Erredakzioa

2013/05/19 - 07:36

Azken eguneratzea

2013/05/19 - 09:39

Osakidetzaren 30. urteurrenaren ospakizun-ekitaldiaren buru izango da igande honetan Iñigo Urkullu lehendakaria. Eusko Jaurlaritzak ohar baten bidez aditzera eman duenez, ekitaldia 12:00etan hasiko da Osakidetzako egoitza zaharrean (Maria Diaz de Haro kalean, Bilbon).

"Erakunde publikoek eta gizarteak Osakidetzari eta langileri zor dizkieten babesa eta aitormena adieraztea" izango du helburu ekitaldi horrek. Halaber, lehendakariarekin batera, Jon Darpon Osasun sailburua eta Jon Etxeberria Osakidetzako zuzendari nagusia ere izango dira bertan.