Horrela kontatu ditugu Santiagoko istripuaren ondorengo orduak
15:00etan: Beste bi bidaiari hil dira azken orduetan, guztira, 80 hildako izan dira istripuan. Halaber, 34 zauritu oso larri daude.
14:15ean: Bidaiari guztiak identifikatu dituzte dagoeneko. 95 lagunek ospitaleratuta jarraitzen dute, horietatik 34 oso larri daude (horietatik 4, adingabe dira).
13:45ean: Segurtasun kamera batek trena errailetik atera den unea grabatu du.
13:35ean: Trenaren gidariari inputatu gisa deklarazioa hartzea agindu du Santiagoko Instrukziozko 3. Zenbakiko Epaitegiaren epaileak. Gidaria Poliziaren esku dago une honetan.
13:30ean: 2013an izandako istripurik larriena izan da Santiagokoa. Bigarrena Kanadan jazo zen, uztailaren 6an (bertan, 47 hildako izan ziren).
13:05ean: Biktima berrien bilaketa-lanak bertan behera utzi dituzte.
13:00etan: Konboietan aurkitutako azken hilotza atera dute bertatik. Guztira, 73 gorpu aurkitu dituzte zonaldean; gainerako hildakoak ospitaleetan zendu dira.
12:45ean: Mariano Rajoy Gobernuko presidenteak hiru dolu egun deitu ditu Estatuan istripuan hildako lagunen omenez. Halaber, herritarren "jarrera paregabea" azpimarratu du Rajoyk.
12:40ean: Senitartekoak hildakoei buruzko lehen datu ofizialak jasotzen hasi dira. Familiak Cersia eraikinean jasotzen ari dira informazioa eta, ondoren, Gurutze Gorriko boluntarioek Fonte do Sar behin-behineko beilatokira eraman dituzte.
12:20ean: Juan Jesus Garcia Fraile makinisten sindikatuaren idazkari nagusiak esan duenez, Alvia trenaren istripua "hainbat baldintzen baturaren ondorioa izan da". Halaber, Garcia Frailek adierazi duenez, ezbeharraren lekuan "bihurgune handia dago".
12:00etan: Mariano Rajoy eta Alberto Nuñez Feijoo presidenteek minutu bateko isilunea egin dute Xuntako egoitzan. Ondoren, Gobernuko presidenteak prentsaurrekoa eskainiko du. 
11:15ean: Eusko Jaurlaritzak jakinarazi duenez, dirudienez, errailetik ateratako trenaren bidaiari bat ere ez da euskal herritarra.
11:00etan: Julio Gomez-Pomar Renfeko presidenteak adierazi duenez, errailetik ateratako trenari "ikuskapena egin zioten asteazken goizean". Halaber, istripua jazo zen lekuak "segurtasun-sistema du", Gomez-Pomarren arabera, COPE irrati-kateari egindako adierazpenetan.
10:50ean: Alberto Nuñez Feijoo Galiziako presidentea, Mariano Rajoy Gobernuko presidentea eta Ana Pastor Sustapen ministroa ezbeharraren tokian izan dira.
10:40ean: Galiziako Xuntak zazpi dolu egun ezarri ditu istripuan izan diren hildakoen omenez. Alberto Nuñez Feijoo Galiziako presidenteak prentsaurrekoa eskaini du Xuntaren ezohiko batzarra izan ostean. Nuñez Feijook doluminak eskaini dizkie biktimen familiei, "mina baretzeko nahikoa ez dela jakinda".
10:30ean: Hildako kopuruak gora egin du: 78 bidaiari hil dira jada istripuan.
10:00etan: Errailetik irten ziren bi konboi trenbidetik atera eta errepidean utzi dituzte, ikerketa sakona abiatzeko.
09:45ean: 2000tik Europan izandako tren-istripu larriena izan da. Aurrekoa Austrian jazo zen, eta bertan 155 lagun hil ziren, tren funikular batek tunel baten erdian su hartu ostean. Halaber, Estatuan azken 40 urteetan izandako istripurik larriena da.
09:30ean: Iñigo Urkullu lehendakariak doluminak agertzeko telegrama bidali die Alberto Nuñez Feijoo Galiziako presidenteari eta Mariano Rajoy Gobernuko presidenteari.
07:00etan: Hasierako ikerketen arabera, eta baliteke bihurgune batetik igarotzean gehiegizko abiadurak istripua eragitea. Izan ere, trenaren gidaria onik dago, eta bertatik 180 km/h-ko abiadura zeramala aitortu du (bertako muga 80 km/h-koa izanda).
Zure interesekoa izan daiteke
Nafarroako Urzainkiko baso-sutea kontrolatutzat jo dute
Gaur gauean, Nabaskoze parkeko suhiltzaileak egongo dira bertan, zaintza-lanak egiten.
Kobre lapurretek 176 hilobi kaltetu dituzte Errenteriako hilerrian
Gurutzeak, argazkietako markoak eta bestelako apaingarriak… errotik atera dituzte Errenteriako hilerrian. Azken hilabetean bitan gertatu dira lapurretak eta gaurkoan 4 salaketa daude oraingoz. Udalaren arabera, nahiko bideratuta dago kasua eta datozen egunetan guztia argitzea espero dute.
Osasun Publikoak esku hartu du Eibarko taberna batean tortillen kontsumoarekin lotutako salmonelosi-agerraldi baten aurrean
Detektatutako 29 kasuetatik 25ek osasun-arreta behar izan zuten, eta bederatzi ospitaleratu egin zituzten. Guztiek alta jaso dute jada. Kutsatutako arrautzak Aragoiko ustiategi batekoak dira.
Euskal Herriko urtegien % 48,8 dago beteta, abuztuan ohi baino ia 6 puntu gutxiago
Uztailaren hasieratik, urtegietan bildutako ura azken 20 urteetako batezbestekoaren azpitik dago, eta alde hori astez aste handitzen joan da.
Hondarribiko Alarde tradizionalak "jarrerak polarizatzea eta herritarrak haserretzea" leporatu dio Udalari
HAOSE elkarteak dio otsailean utzi zuela konponbidea bilatzea helburu zuen prozesua, "gardentasun faltagatik eta prozesuarekiko leialtasun faltagatik", eta uste du Udalak orain argitaratutako komunikatuaren helburua dela alarde ez parekidearen defendatzaileak "deslegitimizatzea".
Espainiako Gobernuak bere gain hartu du Ceutako krisiaren kudeaketan aginte bakarra
Espainiako Gobernuak "historian aurrenekoz" deklaratu du Segurtasun Nazionalaren interes egoera eta migrazio krisiari eman beharreko erantzuna koordinatzeko aginte bakarra hartu du. Angel Victor Torres Lurralde Politikako eta Memoria Demokratikoko ministroak zuzenduko du egitura.
Patata-tortilla usaina eta festa giroa Bilbon, Aste Nagusiaren laugarren egunean
Gaur goizean, Areatzako patata-tortilla lehiaketak 400 parte-hartzaile baino gehiago bildu ditu; herritar eta konpartsakideak zartagina eskuan aritu dira euren trebezia erakusten. Gainera, eguerdian, ohikoa den moduan, bilbainadak entzun dira Pergolan, Los Chimberos taldearen eskutik.
Nafarroak frankismoaren biktimen memoria berreskuratu du "Objektuen memoria" erakusketan
Erakusketak Nafarroako hobi komunetan egindako prospekzio eta hobitik ateratze lanetan berreskuratutako objektuak biltzen ditu, frankismoaren errepresioaren biktimen historia eta memoria herritarren esku jartzeko. Iruñeko Alde Zaharreko Rozalejo Markesaren Jauregi berrituan dago ikusgai.
Gizon bat atxilotu dute Gasteizen, genero indarkeria egotzita, bikotekidearekin eztabaida bat izan ostean
Udaltzainak etxebizitza batera joan ziren, eta borroka batekin bateragarriak ziren zantzuak ikusi zituzten.
Ane Lindane komikoa epaituko dute, eskarnioa egotzita, Abogados Cristianos fundazioak salatu egin baitu
Salatutako gertakariak 2025eko ekainaren 29an gertatu ziren, Arberatze-Zilhekoan (Nafarroa Beherea), eliza batean, gurutzefika batekin masturbatzen ari zen itxura egin zuen eta. Bilboko Instantzia Auzitegiak epaituko du euskal komikoa.