Tren-gidaria kargupean aske geratu da, arduragabekeria onartu ostean
Francisco Jose Garzon Santiagon istripua izan zuen trenaren gidaria kargupean aske geratu da arduragabekeria onartu ostean, Luis Aláez epailearen aurrean.
Madril eta Ferrol arteko bidea egiten ari zen Konboiko gidariari zuhurtziagabekeriazko hilketa egotzi zitzaion. Igande honetan, 18:19an, eraman du Polizia Nazionaleko patruila batek Konpostelako auzitegietara.
19:30ean, Garzon magistratuaren salara eraman dute, eta une horretan ezbeharrari buruzko atestatuaren kopia eman zaio parte bakoitzari.
Ikerketaren gertuko iturriek azaldu dutenez, pasaportea kendu diote gidariari, eta astero epailearen aurrean agertu beharko du.
Garzon Amo (52 urte ditu) istripuaren ostean Santiago ospitalean sartu zuten, traumatismo toraziko bat zuela, eta ez zuen laguntza psikologikorik eskatu.
70 zaurituk ospitalean jarraitzen dute
Ezbeharraren 79 biktimak identifikatu dituzte dagoeneko, baina Galiziako ospitaletan 70 zaurituk jarraitzen dute, horietatik 22k oso larri, Galiziako Xuntak zabaldutako azken informazioaren arabera.
Gonzalo Ferre Adif-en presidentearen esanetan, tren-gidariak istripua gertatu zen lekutik lau kilometrora zegoenean hasi behar izan zuen trenaren abiadura moteltzen. Ana Pastor Sustapen ministroak esan zuen trenetako langileek segurtasun neurriak bete behar dituztela.
Jorge Fernandez Diaz Barne ministroak esan zuenez, "zentzuzko zantzuak" daude pentsatzeko "tren-gidariak erantzukizuna duela gertatutakoaren aurrean".
Ospitaletik Polizia-etxera
Francisco Jose Garzon Santiagon asteazkenean trenbidetik irten zen trenaren gidariari alta eman diote eta Polizia-etxera inputatuta eraman zuten atzo, larunbata, zuhurtziagabekeriaz egindako gizahilketa leporatuta.
Jorge Fernandez Diaz Barne ministroak, Galiziako Polizia-etxean, prentsaurreko batean azaldu zuenez, atxilotua bertara eraman zuten.
Bestalde, Ana Pastor Sustapen ministroaren hitzetan, Espainiako trenbide-sistemak "Espainiako eta Europako ordenamenduan jasotako segurtasun baldintza guztiak betetzen ditu" eta "langileek baldintza horiek bete behar dituzte". Ikerketak arau horiek bete ziren argitu behar duela gaineratu zuen.
Andoainek agur esan du
Santiagon asteazkenean izan zen tren-istripuan hil zen Karmele Sanz Manriqueri agur esan zioten Andoainen (Gipuzkoa) familiarrek eta lagunek, erakundeetako ordezkariez gain.
Hileta-elizkizuna atzo, larunbata, arratsaldean izan zen, Andoaingo Santa Cruz parrokian. Eusko Jaurlaritzatik Cristina Uriarte Hezkuntza, Hizkuntza-Politika eta Kultura sailburua eta Ana Oregi Ingurumen eta Lurralde-Politika sailburua joan ziren.
Andoaingo ehunka bizilagun ere joan ziran, Carmen Manrique biktimaren amari eta haren Gurutze eta Angel haren anaia-arrebari babesa emateko.
Zure interesekoa izan daiteke
Ezkabarteko sutea itzaltzeko lanek aurrera jarraitzen dute, euriak zertxobait lagunduta
Hirugarren gauez jarraian, lurreko brigadako ehun kide lanean izango dira. Zeregin nagusia sutearen perimetroa zaintzea eta garrak berriro ez zabaltzea izango da. Haizea eta iristeko zailak diren guneetako fokuak sutea kontrolatzeko lanak zailtzen ari dira, Nafarroako Gobernuko larrialdi zerbitzuek esan dutenez.
Hiru gazte ikertzen ari dira Gasteizen, gizon bat Espainiako selekzioko kamiseta eranztera behartu nahi zutelako
Inputatuek larunbat goizaldean eraso zioten biktimari, Aranbizkarra auzoko jai-esparruan.
Marmokak daudela ohartarazi dute Bizkaiko Arena, Gorrondatxe, Barinatxe, Arriatera-Atxabiribil eta Muriola hondartzetan
Arriatera-Atxabiribil eta Muriola hondartzetan debekatuta dago bainatzea; gainerakoetan, berriz, bandera horia dago. Uraren batez besteko tenperatura 21 gradukoa da.
Ekintzaz betetako "Peñen Eguna", Iruñean
Iruñeko peñek euren eguna ospatu dute gaur, jardueraz beteriko kartelarekin: kalderete lehiaketa, pankarten aurkezpena... Emozioz beteriko eguna izan da iruindarrentzat.
Gizon bat atxilotu dute Legution, bikotekideari bortizki eraso egiteagatik
Biktima ospitalera eraman behar izan dute, lesioak artatzeko.
Bortizkeria polizialaren aurkako protesta egin dute ehunka lagunek Santurtzin, Ezkerraldeko eragileek deituta
Santurtziko kale nagusiak zeharkatu dituzte asteazkenean hil zen Anderrentzat justizia eskatzeko. Gertatutakoa argitzeko, ardurak zehazteko eta zigorrak jartzeko eskatu dute, eta bermeak, horrelakorik berriro gerta ez dadin.
Gizon batek emaztea hil du Sevillan
Ustezko hiltzailea ospitalean dago, larri, arma zuri batez bere buruari zauriak egin omen dizkiolako.
Venezuelako lurrikaretan desagertutako euskal herritarren senideek zain jarraitzen dute
Venezuelako lurrikarek milaka hildako eta desagertu utzi dituzte; azken horien artean, bilbotar bat eta donostiar bat daude. Senideek desagertuak bilatzeko baliabide falta azpimarratu dute. NBEren arabera, 50.000 pertsona inguru daude desagertuta, baina kopuru horrek gora egiten jarraitzen du.
Haizeak eta bertara iristeko zailak diren guneetako fokuek zaildu egin dituzte Ezkabarteko baso-sutea itzaltzeko lanak
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli dira. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nola ospatuko da LGTBIQ+ Harrotasunaren Eguna Euskal Herrian?
Ekainaren 28an Harrotasunaren Nazioarteko Eguna ospatzen dela eta, Euskadiko eta Nafarroako hiriburuetan hainbat jarduera egingo dira larunbat eta igande honetan, LGTBIQ+ kolektiboaren eskubideak aldarrikatzeko.