Kalamu erretzaileen elkarteek erregulazio eza salatu dute
Euskadiko kalamu erretzaileen elkarteak ez du uste euren aurkako "sorgin-ehiza" dagoenik. Euren zereginerako lege araudirik ez dagoela uste dute eta horren ondorioz, kontraesanak izaten direla. Euskal Autonomia Erkidegoan 100.000 kalamu-kontsumitzaile baino gehiago daude.
Iker Valek eta Aitor Brionek, elkarteko presidentea eta abokatua hurrenez hurren, Donostian egin duten agerraldian "normaltasun" eta "lasaitasun" mezua helarazi nahi izan dute azken egunetan marihuana plantazioekin lotuta kaleratutako informazioen ildora.
Asteazken honetan kalamu landaketa kolektibo bat atzeman du Ertzaintzak Oiartzungo baserri batean.
Iker Valek adierazi duenez, urteko garai honetan sarritan izaten dira horrelako operazioak eta kalamu landareen lapurretak. Izan ere, landaketa amaiera da orain, eta usainak plantazioak aurkitzea errazten du.
Kalamu erretzaileen elkarteak dauden lekuetan "delinkuentzia eta adin txikikoen artean droga-salmenta gutxitzen" dela azpimarratu dute.
Iker Valen aburuz, "lege araudirik ez egoteak horrelako egoerak sorrarazten ditu eta horiek eragina dute Justizia sailak onartutako elkarte hauetan".
Eusko Legebiltzarrean araudia
Bien bitartean, kalamu-klubak arautzeko lan taldeak lanean darrai. Goizean egin duten bileran hainbat adituk parte hartu dute eta elkarteen jardueraren inguruan protokolo bat garatzeko eskatu diote Ertzaintzari eta gaia "arinkeriaz" eta "ez-kaltegarritzat" jotzeaz ohartarazi dute.
Bilera itxia egin dute eta Miguel Gutierrez Espainiako Psikiatren elkarteko presidenteak eta Martin Barriuso Cannabis Pannagh elkarteko presidenteak parte hartu dute bertan, besteak beste.
Prentsari egindako adierazpenetan, Gutierrez arduratuta agertu da araudiak gaixo psikiatrikoengan izan dezakeen eraginaren inguruan eta gazteen artean kalamuaren kontsumoak izan duen igoeraz ohartarazi du.
Zure interesekoa izan daiteke
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere.
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.