Greba deitu dute abenduaren 3rako eta 4rako itunpeko zentroetan
ELA, LAB, CCOO, UGT eta STEE-EILAS sindikatuek greba deialdi berria egin dute itunpeko zentroetarako. Greba deialdia abenduaren 3rako eta 4rako egin dute eta horren bidez hitzarmena betetzea eta "kendutako soldata" itzultzea eskatuko dute.
ELA sindikatuko Xabier Astorzak bost sindikatuen izenean deialdiaren berri eman du Bilbon. Kristau Eskola eta AICE patronalen eta Eusko Jaurlaritzaren erantzunik ez dutela jaso salatu dute.
Eskaeren artean nabarmentzekoa da bertako lan-hitzarmena betetzeko eskaera. Adierazi dutenez, estatuko lan-hitzarmena ezartzen ari dira patronalak. Hitzarmen horri, ondoren, "Euskadiko osagarria" gehitzen omen diote. Sindikatuen aburuz, horren eraginez langile bakoitzak 1.300 eta 1.500 euro artean galtzen du urtean.
Horrez gain, "murrizketarik gabeko" lan-hitzarmen berri bat adosteko elkarrizketak hastea eskatu dute. "Lan-hitzarmena zentro guztietan betetzea eskatzen dugu eta berria sinatu arteko iraupena izatea", adierazi dute. "Kendutako soldata itzultzeko" ere eskatu dute irakaskuntzako sindikatuek.
Kristau Eskolak eta AICEk xantaia horiek alde batera uzteko asmorik ez dutela adierazi dute, "ezta hitzarmen berria adosteko mahaia deitzeko asmorik ere". "Eusko Jaurlaritzak ez du pausorik eman patronalei lan-hitzarmena betetzeko eskaeran, ez eta gatazkari konponbidea bilatzeko ere", gaineratu dute.
Grebaz gain, beste mobilizazio batzuk ere iragarri dituzte sindikatuek.
Zure interesekoa izan daiteke
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela-zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.