Hiru pertsona zauritu dira, auto batek harrapatuta Olaberrian

Hiru pertsona zauritu dira, auto batek harrapatuta, Olaberrian (Gipuzkoa), N-I errrepidean, Segurtasun Sailak jakitera eman duenez.

Iturri horren arabera, gertaera 16:30ean izan da, Gasteizera bidean zihoan auto batek hiru pertsona harrapatu dituenean, oraindik ikertzen ari diren arrazoiengatik. Zaurituak errepideetako langile bat (54 urte ditu)  eta bi ertzain (26 eta 35 urte dituzte) dira.

Bi anbulantzia bertaratu dira istripuaren lekura, eta medikuak zaurituak artatzen ari dira. Hirugarren anbulantzia bat bidean da.

Ezbeharraren ondorioz, auto-ilarak izan dira, eta Ertzaintzako agenteak erregulatzen ari dira.