LOMCE Euskadin ez dela datorren ikasturtean ezarriko esan du Uriartek
Cristina Uriarte Eusko Jaurlaritzako Hezkuntza sailburuak Euskadin LOMCE ez dela datorren ikasturtean ezarriko errepikatu du ostiral honetan, "gauzak ezin direlako egun batetik bestera aldatu", eta euskal hezkuntza-sistema "mantentzeko" eskura dituzten "tresna guztiak" erabiliko dituztela nabarmendu du.
Uriartek adierazpen horiek egin ditu Toki Alaiko Haur Hezkuntzaren zentroa Irunen inauguratzean. Hezkuntza elkarte osoari "lasaitasun" mezu bat bidaltzeko aprobetxatu du, Wert Legea ezagutzen dena aplikatzeko balizko aukera dela eta.
"Geure ikasleek ikasturte berrirako ez dute aldaketarik egin behar, eta ez dute arazorik izango", azaldu du sailburuak. Halaber, "30 urteetan zazpigarren hezkuntza legea da, eta, uneotan, geure sistema mantentzen jakin izan dugu, eta hala egiten jarraituko dugu".
Uriartek adierazi duenez, Eusko Jaurlaritza "ilusiorekin eta guztien partaidetzarekin" lan egiten ari da 'Heziberri 2020' planean. Horren bitartez, Jaurlaritzak hezkuntza-sistema hobetu nahi du Euskadin.
"Geure lehentasuna geure ikasleak dira, eta urte guzti hauetako egite onetik hasi gara, etorkizunera, Europara, eta ez LOMCEk eraman gaituen lekura", esan du.
Albiste gehiago gizartea
Emakume bat ikertzen ari dira apirilaren 1ean Bilbon gizon bat ustez indarkeriaz hiltzeagatik
Oraindik ez dute emakumea aurkitu epailearen aurrean deklaratu dezan. Auzitegiko medikuak asfixia zantzu argiak antzeman zituen gorpuan.
Osasun Saila EAEko osasun-zentroak ebaluatzen dabil, klimatizazio-arazoak konpontzeko
Eusko Jaurlaritzako Osasun Sailak osasun-zentro guztiak ebaluatzeari ekin dio, klimatizazio osoa egin ezin den lekuetan zer irtenbide ezar daitezkeen zehazteko.
640 landareko marihuana-plantazio bat desegin dute Zallan, eta bi pertsona atxilotu dituzte
Desegindako instalazioetan hazkuntza-sistema aurreratuak eta material espezializatua zeuden. Agenteek aireztatzeko gailu sofistikatuak, argiztapen automatizatua eta landareen hazkundea bizkortzeko tresnak aurkitu zituzten. Polizia operazioak zabalik jarraitzen du, tartean pertsona gehiago dauden ikertzen ari baitira.
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, erizain gazteak 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuaren presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdien ordezkariak ere izan dira.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, laneskaintza publikoetan euskara-maila jaisteagatik
Udalak % 70etik % 40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu egin du.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.