EHUn hildako langileak ez zuen lan-kontraturik, CCOOren arabera
Maiatzaren 20an EHUren instalazioetan lanean ari zela 25 metrotik behera erorita hil zen langileak ez zuen lan-kontraturik, eta ez zen autonomoa, CCOO sindikatuak salatu duenez.
Langilea Portugaleteko Lan Ondo Multiservicios SL enpresaren aginduetara jarduten zen, eta Euskal Herriko Unibertsitatean istripua izan aurretik ere enpresa horretan lanean aritutakoa zen, sindikatu horren esanetan.
Euskadiko CCOOk izapideak zabaldu ditu familiak dagozkion kalte-ordainak jaso ditzan. Sindikatuaren arabera, erantzukizun handiena Lan Ondo Multiservicios SL enpresak izan behar du, berak agindu baitzion langileari lan hori egitea.
Gainera, sindikatuak salaketa jarriko du enpresa horretako administratzaileen kontra, "oso larria delako langile bat 25 metrora igotzera behartzea lan-kontraturik egin gabe eta segurtasun neurririk izan gabe".
Sindikatuaren esanetan, segurtasunaren eta lan-osasunaren artean izan beharreko koordinazioan "akats larria" izan da, EHUk Gaimaz enpresari eman baitzion teilatua konpontzeko lana, eta enpresa horrek aipatutako enpresa (Lan Ondo Multiservicios SL) azpikontratatu baitzuen.
Euskadiko CCOOren ustez, agerikoa da EHUk erantzukizuna duela istripuan, ez duelako egiaztatu bere instalazioetan lan egiten duten langileek segurtasun neurriak betetzen dituztela, eta ez duelako arreta jarri segurtasunaren eta lan-osasunaren artean izan beharreko koordinazioan.
EHUk bazekien sabai-leihoak baldintza eskasetan zeudela, ohartarazi du CCOOk; izan ere, sindikatuaren hitzetan, EHUko CCOOk 2009an ohartarazi zuen aipatutako sabai-leihoa konpondu beharra zegoela, Segurtasun eta Osasun Batzordearen akta batean jasotzen denez.
Bestalde, Unibertsitatea "enpresa nagusia" izanda, "segurtasun neurri guztiak egiaztatzeko eta bermatzeko arduraduna da", adierazi du ELA sindikatuak.
Unibertsitateak segurtasun eta prebentzio neurriak hartu zituztela defendatzea "oso larria" dela salatu du sindikatu abertzaleak, "hildako langilea bertan zenik ezagutzen ez zuelako".
EHUren erantzuna
EHUk ohar bat igorri du hedabideetara, CCOOk egindako salaketaren ostean, eta aipatzen duenez, EHUk "Gaimaz enpresako langileen baldintzak gainbegiratu zituen, unibertsitatera sartzean, baldintzak baieztatzeko pertsonalak egindako akten bidez".
Gainera, gaineratu duenez, "EHUk ez du jakin bestelako enpresa batzuek esku-hartu zutela, orain abiarazitako ikerketen berri izan arte".
Segurtasun arloan izan beharreko erantzukizunaren inguruan, EHUk esan du "erantzukizuna enpresari" dagokiola eta "lanetan jarduten diren azpikontratatutako enpresei".
Unibertsitatearen arabera, gainera, "sabai-zuloen egoerak ez du zerikusirik ezbeharrarekin".
Goirizelaiaren agerraldia eskatu du EH Bilduk
Iñaki Goirizelaia EHUko errektorearen agerraldia eskatu du EH Bilduk Eusko Legebiltzarraren Enplegu batzordean. Lan-istripuaren nondik norakoak azaltzea nahi du koalizio abertzaleak.
Arri Zulaika EH Bilduko legebiltzarkidearen hitzetan, Unibertsitatea "azpikontratazio katearen azken arduraduna da, horregatik, erakundearekin lan egiten duten enpresak nola kontrolatzen dituen argitu beharko du; lan segurtasunerako baldintzak, prebentzio arauak eta lan hitzarmenak bete behar dituztelako".
Zure interesekoa izan daiteke
Errenteriako Udalak 25 plazako lan-eskaintza bat eten du, euskara eskakizunaren aurkako helegite baten ondoren
Udal administrazioko postuetarako eskaintza azaroan zabaldu zen, eta eskakizunen artean, C1 euskara maila zehaztuta zegoen lanpostu guztietan.
Gasteizko gotzaina: "Ez genuke inoiz gertatu behar ez zena gogoratzen ibili behar"
Juan Carlos Elizaldek 1976ko martxoaren 3an Poliziak eraildako bost lagunetako bakoitza gogoratu du, 50. urteurrenaren harira ospatutako mezaren homilian. Arabako Elizaren ordezkari nagusiak adierazi duenez, "gure hurbiltasuna eta otoitza berritzen dugu biktimen alde eta gertaera horiek markatutako guztien alde".
Osakidetzak "txertaketa sistemaren segurtasuna" indartuko du, "berehalako eta epe ertainerako" neurriekin
Bi hilabeteko epean, besteak beste, erosketa-agiriak berrikusiko dira, zentro bakoitzeko txertaketa arduradun bat izendatuko da eta hozteko ekipoak kudeatzeko protokolo berria ezarriko da.
AP-8 autobideak bidegurutze hobea izango du Oiartzunen, eta agian lotune berri bat, Orion
Gipuzkoako Foru Aldundiak 8,1 milioi euro bideratuko ditu AP-8 autobidearen eta GI-20 errepidearen arteko bidegurutzearen segurtasuna hobetzeko, Bilborako noranzkoan, eta Orion bi noranzkoetan lotura osoa egitea aztertzen ari da.
EHIGEk segregazioaren aurkako itunaren mahaia utzi du, Hezkuntzak diagnostiko "partziala" egin du eta
Euskal Eskola Publikoko Gurasoen Konfederazioak salatu duenez, aplikatutako metodologia "parte-hartze prozesu errealak izan behar duenaren antitesia da"
Ekialde Hurbilean dauden 45 euskal herritarrekin harremanetan jarri da Jaurlaritza
Eusko Jaurlaritzako Kanpo Harremanetarako Idazkaritza Nagusiak komunikaziorako hainbat bide zabaldu ditu, inguru hartan dauden euskal herritarrei egoera bideratzen laguntzeko. Ekialde Hurbilean egoitzak dituzten euskal enpresekin ere jarri dira kontaktuan.
Bizkaiko Foru Aldundiak ke-detektagailuak jarriko ditu Bustuarialdeko adinekoen eta pertsona kalteberen 2.450 etxetan baino gehiagotan
Etxeko suteen ondoriozko arriskuak murrizteko plan pilotu bat da, eta gero beste eskualde batzuetan ezarri ahal izatea da asmoa.
Maialen Mazonen hilketa argitzeko epaiketa maiatzaren 4an hasiko da
32 urteko emakumea (bikiez haurdun zegoen) bikotekide ohiak hil omen zuen 2023ko maiatzaren 27an, Gasteizko apartahotel batean, urruntze agindua urratu zuen aldietako batean.
Ikerketa eta trazabilitate batzordearen txostenak baieztatu du hainbat akats izan zirela Osakidetzako txertoen kudeaketan
Iraungitako dosien inguruko ikerketaren arabera, txertaketa-sistemaren banaketan, trazabilitatean eta barne-kontroletan egon dira arazoak.
Auto-ilara luzeak daude AP-8 autobidean, bi istripu izan baitira Zarautz parean, Bilborako noranzkoan
Istripuaren ondorioz, erreietako bat itxi behar izan dute, eta trafiko motela dago inguruan. Bestalde, bi ibilgailuk eta kamioi batek talka egin dute Erletxetako industrialderako sarbidean, Bizkaian. Horren ondorioz, auto-ilarak sortu dira bi noranzkoetan.