250 pertsona baino gehiagok agurtu dute Miguel Pajares erlijiosoa
Braulio Rodriguez Plaza Toledoko artzapezpikuak ebola bezalako gaixotasunei aurre egiteko "inbertsioa" eskatu du Miguel Pajares erlijiosoaren hiletan.
"Aita Miguelek eta bere kideek, zein kristauek eta ez kristauek egindakoa esaten digu aldatu gaitezkeela, eta gaixotasunei aurre egin daitekeela. Egin behar dena inbertitzea da, aurre egin daitekeela ikustea, ikustea munduaren alde honetan denetarik dagoela eta bertan ez dagoela ezer", azpimarratu du San Rafael Ospitaleko kaperan egindako Eukaristian.
Bestalde, misiolarien eta borondatezko langileen beharra goraipatu du Rodriguezek. "Aita Miguel eta misiolariak borondatezko langile onak izan dira, eta goi jartzen dute gure Espainia", adierazi du.
Hiletan zehar, Pajaresen errautsak presente egon dira, eta artzapezpikuak erlijiosoaren familiarekin, Iglesuelako (Toledo) auzokideekin eta misiolariekin egon nahi izan du.
Jesus Etayo San Joan Jainkoarenaren Ordenaren nagusiak elkarrekin eman du hileta, 20 apaiz baino gehiagorekin, Aita Angel Bakearen Mezugileen fundatzailearekin eta Jose Maria Gil Tamayo Espainiako Apezpiku-Batzarreko idazkari nagusi eta bozeramailearekin batera.
Guztira, 250 pertsona baino gehiagok parte hartu dute Eukaristian, Ordenaren bozeramaileak jakinarazi duenez.
San Rafael Ospitaleko kaperara hurbildutako agintarien artean honakoak aurki zitezkeen: Ana Mato Osasun, Gizarte Zerbitzu eta Berdintasun ministroa; Enrique Nuñez Madrileko jarduneko alkatea, Javier Rodriguez Osasun kontseilaria; eta Dolores Navarro Familia eta Gizarte Zerbitzuen ordezkaria.
Zure interesekoa izan daiteke
Pasaiako portuan piztutako sute baten ondorioz, herritarrak konfinatu behar izan dira, kea dela eta
Pasaiako portuan izandako sute industrial batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat aktibatu dute bizilagunei konfinatzeko eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.