Sute batek erabat kiskali du Campofrioren Burgoseko lantegia
Sute batek erabat kiskali du Campofrio multinazionalak Burgosen duen lantegia. Dagoeneko, suhiltzaileek sua kontrolpean dute, baina oraindik ere beste pare bat egun beharko dituzte garrak erabat itzaltzeko.
Inor ez da zauritu, baina sutearen ondoren sortu den ke toxikotik babesteko, 400 pertsona inguru etxetik atera dituzte.
Dena den, garrak kontrolatu eta airearen kutsadura maila neurtzeko analisiek negatibo eman ostean, amoniako partikularik gabe, etxera itzultzeko baimena eman diete bizilagunei. Hala ere, etxe barruan egoteko eta leihoak itxita mantentzeko aholkatu diete.
Su-garrak 06:45ean piztu dira, oraindik argitzeke dauden arrazoiak tarteko. Lehen hipotesien arabera, zirkuitulabur batek piztu du sua, baina lantegi barrura sartu arte itxaron beharko dute ikertzaileek informazio gehiago eskuratzeko. Oraindik ere suhiltzaileak lantegi barruan lanean ari dira, eta ezinezkoa da barrura sartzea.
Javier Lacalle Burgoseko alkateak azaldu duenez, Campofrioren lantegian leherketarik izan ez bada ere, "erabat suntsituta gelditu da". Aipaturiko lantegian 1.000 lagunek egiten dute lan, eta Campofriok Burgosen etorkizuna izan dezan "ahal den guztia" egingo duela iragarri du Burgoseko Udalak.
Campofrioko zuzendaritzak bilera egin du langileekin
Campofrio enpresako zuzendaritzak langileekin bilera egin du, eta bertan azaldu die beharrezkoak diren jokaerak egingo dituztela ekoizpena "lehenbailehen" abiarazteko.
Multinazionalak ohar bat bidali du hedabideetara, eta lasaitasun mezua zabaldu nahi izan die langileei, bezeroei, hornitzaileei eta kontsumitzaileei. Halaber, eskerrak eman ditu erakunde publikoen artetik jaso duen babesagatik.
Enpresako agintariak suteak eragin dituen kalteen jakitun dira, baina produktuen hornidura Espainian eta beste herrialdeetan bermatzeko beharrezko neurriak hartu dituztela iragarri dute.
Zure interesekoa izan daiteke
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere, baina inguruko baserrietan bizi diren bi pertsona etxetik atera zituzten badaezpada ere.