Osakidetzako lanuzteen pare-hartzea igo egin dela diote sindikatuek
Osakidetzan ordezkaritza duten sindikatuek, gaurko, Bizkaiko osasun zentro publiko guztietan deitutako greba lehen mailako arreta zerbitzuan eragina izaten ari da, sindikatuen arabera. Osasun Zerbitzuaren esanetan, baina, parte-hartzea "txikia" izaten ari da, % 8,4koa.
LABeko iturriek berri eman dutenez, Bizkaiko ospitaleetako langileek lanuztearekin bat egin dute; baina, batez ere lehen mailako arreta zerbitzuko langileak atera dira kalera.
Bizkaiko Osakidetzako langile gehiagok bat egin dute lanuztearekin, duela bi aste, Araban; eta duela astebete Gipuzkoan baino; LABen arabera. Dena den, sindikatuek ez dute grebaren jarraipenari buruzko daturik emateko asmorik; horien esanetan, gutxieneko zerbitzuak gehiegizkoak izanik "ezinezkoa" baita deialdiaren benetako intzidentzia jasotzea.
Parte-hartzean izandako igoera hori astelehenean Osakidetzako mahai sektorialaren bilera akordiorik gabe amaitu izanari egotzi diote sindikatuek; izan ere, batzar horretan ez zen alde bien arteko hurbilketarik izan.
Lan Eskaintza Publikoko plaza kopuruaren inguruan Osakidetzako Zuzendaritzarekin adostasunik lortu ez zutela eta, deitutako mobilizazioei eustea erabaki zuten sindikatuek.
SATSE, ELA, LAB, SME, FFHE, CCOO eta UGT sindikatuek "benetan beharrezkoa den" lan eskaintza publikoa egiteko eskatu diote Osakidetzari, iragarri den 187 plazakoa babesteko inolako asmorik ez dutelako.
Era berean, langileak ordezkatzea exijitu dute, "langileak ez ordezkatzeak ondorio larriak eragiten dituelako lan kargan eta zerbitzuaren kalitatean".
Goizeko zortzietatik gaueko hamarrak arte iraungo du grebak lurraldeko osasun zentro publiko guztietan.
Osakidetzan egiten duten laugarren greba eguna da gaurkoa, aurreko azaroaren 6ean EAE osoan, 13an Araban eta 20an Gipuzkoan egin ostean.
Akordiorik ezean, gainera, abenduaren 4ean egun osoko greba egingo dute Osakidetzaren zentro guztietan.
Osakidetzak elkarrizketa eskaini du
Bestalde, Jon Etxeberria Osakidetzako zuzendari nagusiak eta Jose Maria Armentia Giza Baliabideen zuzendariak azaldu dutenez, parte-hartzea “txikia”, % 8,1ekoa izan da goizeko txandan. Bestalde, "elkarrizketa" eskaini die sindikatuei, gatazka konpontzeko.
Horien esanetan, goizeko txandan ez da istilurik jazo.
Hain zuzen ere, goizez lan egin behar zuten 9.288 langileetatik, 756k egin dutela bat lanuzteekin esan dute.
Kategorien arabera, medikuen % 3k egin dute greba, erizainen % 8,1ek eta gainerako profesionalen % 14,1ek.
nalen % 14,1ek.Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.