18 lagun zaurituta mikrobus eta kamioi baten arteko istripuan, Araban
18 pertsona, horietako zazpi larri, zauritu dira autobus batek eta kamioi batek talka eginda, AP-1 autobidean, Arrazia-Ubarraundia parean, Burgoserako noranzkoan.
Hijos de Hierro konpainiako mikrobusaren gidaria eta bidaiari guztiak zauritu dira ezbeharrean, Segurtasun Sailak jakitera eman duenez.
Bidaiari gehienak Arrasateko (Gipuzkoa) Fundiciones Gelma enpresaren langileak ziren. Langileak lantegian hartu ditu autobusak, Segurtasun Saileko iturriek azaldu dutenez.
Istripua 14:20ean gertatu da. Iveco kamioi batek atzealdetik talka egin du autobusarekin, Gasteizko suhiltzaileek baieztatu dutenez. Suhiltzaileek bi pertsona erreskatatu behar izan dituzte. Horietako batek hanka hautsita eta buruan zauriak zituen.
Mikrobusaren ezker hegala txikitu du talkak. Biktima ugariko istripuentzako protokoloa martxan jarri du Osakidetzak.
Txagorritxu, Santiago eta Debagoiena
Gasteizko anbulantziek zauritu larriak Txagorritxuko eta Santiago ospitaletara eraman dituzte. Bestalde, zauritu larri bat Debagoieneko ospitalera (Gipuzkoa) eraman dute.
Mikrobusa. Argazkia: EFE
Arin zauritu diren 11 lagunak Legutioko anbulatoriora eraman dituzte, ezbeharretik gertu zegoelako.
AP-1 itxita egon da Gasteizko noranzkoan Legutioko irteera baino lehen, baina errei bat zabaldu dute dagoeneko. Mikrobusa errepidetik kendu dute eta kamioia kentzen ari dira.
Beste istripu bat Deban
Bestalde, AP-8 autobidean, Deban (Gipuzkoa), ezbehar bat gertatu da arratsaldeko lehen orduan. Kamioi bat errepidean gurutzatu da eta auto-ilarak izan dira.
Auto-ilarek hamar kilometroko luzera eta lau orduko iraupena izan dute. Ibilgailuko gidaria zauritu da istripuan. Zirkulazioa eten dute ia bi orduz, Bilboko noranzkoan.
Kamioiak zamaren zati bat galdu du Iurretan
AP-8 autobideko bi errei ia bost ordu itxita egon dira Iurretan (Bizkaia). Kamioi bat errepidetik atera da eta zamaren zati bat galdu du.
Segurtasun Saileko iturriek jakitera eman dutenez, 13:10 aldera kamioi bat errepidetik atera da Irungo (Gipuzkoa) noranzkoan, eta lubeta batetik erori da.
Hagatxo metalikoak zeramatzan eta zamaren zati bat errepidean erori da. 18:00ak arte bi errei itxita egon dira. Ordu horretan zirkulazioa berrezarri dute.
Zure interesekoa izan daiteke
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, atzetik jarraitu diotelako ibilgailuekin. Gertatutakoa salatzeko, Itaiak elkarretaratzea egin du gaur, "Eraso matxistei aurre egin!" lelopean.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.