Pneumokokoaren aurkako txertoa umetxoentzako doakoa izango da
Haurtxoentzako txertaketa egutegian pneumokoko bakterioak sortutako infekzioak prebenitzeko Prevenar txertoa barneratzea erabaki du Osakidetzak. Horretarako urtero bi milioi euro baino gehiago bideratuko ditu Osasun Sailak.
Jon Darpon Osasun sailburuak agerraldia egin du gaur. Txertaketa egutegiak izango dituen aldaketen berri eman du Darponek. Gainera, adineko osasuntsuentzako gomendio orokor batzuk emango dituztela aurreratu du sailburuak.
Pneumokokoaren aurkako Prevenar txertoa egutegian barneratzea berritasun nagusia da; izan ere, orain arte egutegitik at zegoen. Horrela, gurasoek kostua ordaintzen zuten: 76 euro dosi bakoitzeko (hiru dosi).
Aurrerantzean, ostera, doako txertoa izango da bi, lau eta 12 hilabeteko umetxoentzako.
Bakterio batek gaixotasuna eragiten du. Eritasunak otitisa, pneumonia edo meningitisa sor dezake. Prebentzio modurik onena txertoa jartzea da, pediatren arabera.
Kostua
Txertoa iraila baino lehen ematen hasiko dira pediatren kontsultetan, eta bi milioi baino gehiagoko kostua izango du.
Txertoen aurrekontua zortzi milioi eurokoa da aurten. Hala ere, gripearen aurkako kanpainaren 1,2 milioi euroko kostua gaineratu behar zaio.
Zure interesekoa izan daiteke
Kataluniak 10 mila euroko isuna jarri dio higiezinen agentzia bati arrazakeriagatik
Hamidek eta bere familiak hainbat saiakera egin zituzten Mataron etxebizitza bat alokatzeko. Baldintzak bete arren, beti ezezkoa jasotzen zuten. Diskriminazio tratua 13 aldiz salatu zuen Hamidek erakundeen aurrean.
Eusko Legebiltzarrak Korrikarekin bat egin du
Euskararen eta AEKren aldeko lasterketa martxoaren 27an iritsiko da Gasteizera eta, egun horretan ikusiko ditugu korrika legebiltzarkideak. Erakundearen izenean, Bakartxo Tejeria presidenteak eramango du lekukoa.
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.