Hegoaldea kalera atera da arrazakeriaren eta xenofobiaren aurka
Arrazakeriaren eta Xenofobiaren aurkako Nazioarteko Eguna dela eta, hainbat erakundek eta organizaziok mobilizazioak egin dituzte Bizkaian, Gipuzkoan, Araban eta Nafarroan.
Hala, ehunka lagunek Bilboko kaleak zeharkatu dituzte manifestazioan. Bizkaiko hogei bat elkartek bat egin dute protestarekin eta Atzerritarren Legearen kontrako oihuak bota dituzte.
Parte-hartzaileek 12:00etan abiarazi dute martxa, Arriaga Antzokitik eta Kale Nagusitik igaro dira ‘Identifikazio arrazistei, ez’. Gainera, ‘Atzerritarren Legea zaborra da’, esaterako, oihukatu dute.
Erakundeen arabera, "zaila da onartzea arrazismoa eta xenofobia hedatuta daudela" eta, gogorarazi dutenez, NBEk 1966an ezarri zuen martxoaren 21 diskriminazio arrazistaren kontrako eguna.
Gainera, EH11Kolore elkarteak Aniztasunaren Korrikaldiaren deialdiarekin bat egin du Irunen, arrazakeriaren aurka eta euskararekin bat eginez.
"Korrikaren baitan egindako 5 kilometro izan dira, kolorez eta kultur aniztasunez beteak", adierazi du ohar baten bidez. "EH11Koloreko ikurra den Burubeltzek ere ez du hutsik egin, Euskal Herri anitza irudikatzen duen hamaika koloretako ardiak eraman baitu lekukoa, besteak beste, Fermin Muguruzarekin batera." ¿
Aldez aurretik, parte hartzaileek argazki bat atera dute Bernardo Atxagaren "Minutu bateko manifestua" jasotzen zuen pankartarekin, eta "Gora Aniztasuna" aldarrikatu dute 30 hizkuntza baino gehiagotan.
Era berean, Angel Toña Jaurlaritzako Enplegu eta Gizarte Politikako sailburuak berdintasunean oinarritutako gizarte aren alde egin du, eta bazterketarik gabekoa, ez gizarte mailan, eta arrazan, etnia, erlijio edo jatorrian oinarrituta, aniztasuna berdintasuna "leiho" bihurtzeko Euskadin. Toñak ere Korrikan parte hartu du, Irun eta Behobia artean.
Ondoren, ohar baten bidez zabaldu duenez, sailburuak ohartarazi du Europako gizarteak "atzera egiten" ari dela "nabarmen" tolerantziari dagokionean, eta "immigrazioak eta gizartearen ukapenak dakarten arazoa konpontzeko" egoeran daude.
Halaber, Iruñean, dozenaka pertsonak, "Papeles y Derechos denontzat" plataformak deituta, etorkinen eskubideen berdintasuna eskatu dute. Plataformak xenofobiaren aurka lan egiten duten zenbait kolektibo, elkarte eta sindikatu batzen ditu.
"Inor ez da ilegala" zioen pankarta batean atzean, taldeak hiriburu nafarra zeharkatu du oihuak botatzen zituztela.
Beatriz Villaizan SOS-Arrazakeriako kideak antolatzaileen izenean esan duenez, "berdintasuna eskubideetan, bazterketarik gabeko guneak eta pertsona guztien zirkulazio askea" eskatzeko data 1960ean "Johannesbugon -Hegoafrikan- egindako manifestazioaren eguna da, apartheiden kontrakoa eta –agintariek- sarraskitua".
Zure interesekoa izan daiteke
Lekuko-hartze "sinboliko eta hunkigarriak" izango dituela aurtengo Korrikak aurreratu dute antolatzaileek
EITBren Bilboko egoitzan egin dute AEKren aldeko lasterketaren aurkezpen soziala. Gizarteko eragile ugari izan dira bertan. Aurtengo edizioan 3.400 lekuko-hartze baino gehiago izango direla iragarri dute antolatzaileek, inoiz baino gehiago, eta horietako asko "sinbolikoak eta hunkigarriak" izango direla diote.
Protesta jendetsua Eibarren, haurreskoletan plaza nahikorik ez dagoela salatzeko
Dozenaka familiak protesta zaratatsua egin dute ostegun honetan Eibarko Untzaga plazan, herriko haurreskoletan plaza nahikorik ez dagoela salatzeko.
Rene Redzepi Noma jatetxeko sukaldari daniarrak kargua utziko du, langile ohiek abusuak leporatu ondoren
2009. eta 2017. urteen artean Redzepik kalte fisikoak eta psikologikoak eragin zizkiela salatu zuten jatetxe horretako dozenaka langile ohik. "Aldaketek ez dute iragana konpontzen", azpimarratu du Redzepik.
Realak Sevillan jokatuko duen Kopako finalerako sarrera faltsuak saltzen ari direla ohartarazi du Ertzaintzak
Zale batek jarritako salaketa baten bidez, Ertzaintzak izapideak ireki ditu ustezko iruzur-delitu batengatik.
Osakidetzako 1.047 profesionalek salatu zituzten erasoak 2025ean; horietatik 856, emakumeak
Osasun Profesionalen aurkako Erasoen kontrako Europako Eguna dela eta, ostegun honetan, Osakidetzak zehaztu du 2025ean jakinarazitako eraso guztietatik 94tan (% 9) lesioa eragin zutela, gehienek bajarik eragin gabe. Gainerakoak, 953 guztira (% 91), lesiorik gabeko erasoak izan ziren, hala nola irainak eta mehatxuak.
Ikerketaren arabera, ezbeharra izan zen pasabideko torlojuak oso herdoilduta zeuden
Bocal inguruan izandako istripuaren ondorioz Polizia Zientifikoak egindako ikuskapenaren arabera, euskarriak eta torlojuak herdoilak janda zeuden.
Beloradoko moja ohiak monasteriotik atera dira, epea amaitu baino ordu batzuk lehenago
Francisco Canals Beloradoko moja ohien bozeramaileak jakinarazi duenez, 02:46an atera dira monasteriotik. Hori egin aurretik, Laura Garcia de Viedma abadesa ohiak elizako aldarean zegoen azken kandela eta eraikineko argi guztiak itzali ditu.
Azkenekoz Fustiñanan ikusi zuten 17 urteko neska baten bila ari dira
Zabaldutako datuen arabera, 1,60 metro luze da, gorpuzkera mehea du, eta begi marroiak eta ile beltz luzea ditu.
Hiztunen Berdintasunaren Alde: "Gure plataforma ez dago inongo trama, konplot edo konspiraziorekin nahastuta"
Elkarteak defendatu du bere jarduera bakarra Osakidetzako langileen "lan-eskubideak defendatzea" dela, eta ziurtatu du "erkidegoko bigarren hizkuntza" den euskara "beti" errespetatzen dutela.
Ertzaintzak gizon bat atxilotu du Bilbon, emakume bati sexu-erasoa egiten saiatzeagatik
Biktimak jarritako salaketaren arabera, San Frantzisko kaleko atari batean sexu-erasoa egiten saiatu zen atxilotua, 42 urteko gizona. Sexu-askatasunaren aurkako delitua leporatuta atxilotu dute.